انصاف کی ترازو میں تولا عیاں ہوا
انصاف کی ترازو میں تولا عیاں ہوا یوسف سے تیرے حسن کا پلہ گراں ہوا روئے زمیں پہ ایسا میں بسمل تپاں ہوا اڑ کر مرا لہو شفق آسماں ہوا اس برق وش کا عشق نہانی عیاں ہوا ابر سیاہ آہوں کا میرے دھواں ہوا پیری میں مجھ کو عشق حسین جواں ہوا بار دگر کبادے میں زور کماں ہوا اہل زمیں سے صاف کہاں آسماں ہوا کس روز برج ماہ میں فرش کتاں ہوا معدوم داغ عشق کا دل سے نشاں ہوا افسوس بے چراغ ہمارا مکاں ہوا دو ٹکڑے ایک وار میں خود حباب ہے گرداب موج تیغ کو سنگ فساں ہوا دیکھا جو میں نے اس کو سمندر کی آنکھ سے گل زار آگ ہو گئی سنبل دھواں ہوا ملتا نہیں دماغ ہی گیسوئے یار کا کچھ ان دنوں میں مشک کا سوداگراں ہوا خوش چشموں کے فراق میں کھائے یہ پیچ و تاب شاخ غزال اپنا ہر اک استخواں ہوا سختیٔ راہ عشق سے واقف ہوئے نہ پاؤں جوش جنوں مرے لیے تخت رواں ہوا انبوہ عاشقاں سے ہوا حسن کو غرور کثرت سے مشتری کی یہ سوداگراں ہوا پیوند خاک ہو گئے اک بت کی راہ میں پتھر ہماری قبر کا سنگ نشاں ہوا پھینکا گیا نہ پیر فلک نعل کی طرح کوئی نہ طفل اشک ہمارا جواں ہوا تو دیکھنے گیا لب دریا جو چاندنی استادہ تجھ کو دیکھ کے آب رواں ہوا انساں کو چاہئے کہ نہ ہو ناگوار طبع سمجھے سبک اسے جو کسی پر گراں ہوا اس گل سے عرض حال کی حسرت ہی رہ گئی کانٹے پڑے زباں میں جو میل بیاں ہوا اللہ کے کرم سے بتوں کو کیا مطیع زیر نگیں قلمرو ہندوستاں ہوا انصاف میں نے عالم اسباب میں کیا بنوائی چاندنی جو میسر کتاں ہوا گردش نے اس کی سرمہ کئے اپنے استخواں چکی ہمارے پیسنے کو آسماں ہوا قاتل کی تیغ سے رہ ملک عدم ملی آہن ہمارے واسطے سنگ نشاں ہوا فکر بلند نے مری ایسا کیا بلند آتشؔ زمین شعر سے پست آسماں ہوا
English rendering
Insaaf ki taraazu mein tola ayaan hua Yusuf se tere husn ka palla giran hua Roo-e-zameen pe aisa main bismil tapaan hua Ud kar mera lahu shafaq-e-aasmaan hua Is barq-wash ka ishq-e-nihaani ayaan hua Abr-e-siyah aahon ka mere dhuaan hua Peeri mein mujh ko ishq-e-haseen jawan hua Baar-e-digar kabaade mein zor-e-kamaan hua Ahl-e-zameen se saaf kahan aasmaan hua Kis roz burj-e-maah mein farsh-e-kitaaban hua Ma'doom daagh-e-ishq ka dil se nishaan hua Afsoos be-chiragh hamara makaan hua Do tukde ek waar mein khud habaab hai Girdaab-e-mauj-e-tegh ko sang-e-fasaan hua Dekha jo main ne us ko samandar ki aankh se Gul-zaar aag ho gayi sunbul dhuaan hua Milta nahin dimaagh hi gaisu-e-yaar ka Kuchh in dinon mein mushk ka saudaagiraan hua Khush-chashmon ke firaaq mein khaaye yeh pech-o-taab Shaakh-e-ghazal apna har ik istikhwaan hua Sakhti-e-raah-e-ishq se waaqif hue na paon Josh-e-junoon mere liye takht-e-rawaan hua Amboh-e-aashiqan se hua husn ko ghuroor Kasrat se mushtari ki yeh saudaagiraan hua Paivand-e-khaak ho gaye ik but ki raah mein Patthar hamari qabr ka sang-e-nishaan hua Phenka gaya na peer-e-falak na'al ki tarah Koi na tifl-e-ashk hamara jawan hua Tu dekhne gaya lab-e-darya jo chandni Istaada tujh ko dekh ke aab-e-rawaan hua Insaan ko chahiye ke na ho na-gawaar-e-taba Samjhe sabaq usay jo kisi par giran hua Us gul se arz-e-haal ki hasrat hi reh gayi Kaante pade zabaan mein jo mail-e-bayaan hua Allah ke karam se buton ko kiya mutee' Zair-e-nageen qalamrau Hindustan hua Insaaf main ne alam-e-asbaab mein kiya Banwaai chandni jo muyassar kitaaban hua Gardish ne us ki surma kiye apne istikhwaan Chakki hamare peesne ko aasmaan hua Qatil ki tegh se reh mulk-e-adam mili Aahan hamare waaste sang-e-nishaan hua Fikr-e-buland ne meri aisa kiya buland Atish! zameen-e-she'r se past aasmaan hua