اس شش جہت میں خوب تری جستجو کریں
اس شش جہت میں خوب تری جستجو کریں کعبے میں چل کے سجدہ تجھے چار سو کریں عاشق جو حسن پاک میں کچھ گفتگو کریں دامن کا پیچھے نام لیں پہلے وضو کریں شرمندہ ہوں زمیں میں گڑیں سرخ رو کریں استادگی جو سرو ترے روبرو کریں پیدا کریں جو تجھ کو انہیں کو ہے دسترس پامرد ہیں وہی جو تری جستجو کریں لے جا چکی چمن میں صبا بوئے زلف یار سنبل کے سلسلے کو بھی برہم وہ مو کریں افسانہ گوئی افعی گیسوئے یار میں خاموش ہوں چراغ جو ہم گفتگو کریں دیوانگی کا سلسلہ جاوے نہ ہاتھ سے دامن کو پھاڑیے جو گریباں رفو کریں اے بادشاہ حسن فقیروں کی طرح سے عاشق دعائے خیر تجھے کو بہ کو کریں دیدار عام کیجیے پردہ اٹھائیے تا چند بندہ ہائے خدا آرزو کریں مستی میں مجھ سے بے ادبی ہوگی یار سے مجھ کو گناہگار نہ جام و سبو کریں دیوان حسن میں سے ہوئی ہے یہ انتخاب عاشق مزاج سیر بیاض گلو کریں ورد زباں ہے روز و شب ان کی ثنائے حسن شایاں ہے جس قدر کہ یہ شاعر غلو کریں لکھ دیتے ہیں حسینوں کو ہم خط بندگی مشق ستم کو ترک جو یہ تند خو کریں حیران کار ہوں ترے رخسار صاف کا سکتہ ہو آئنہ جو ترے روبرو کریں مرغ چمن ہوں زمزمہ پیرا بہار آئی ہنگامہ گرم شیفتۂ رنگ و بو کریں تاثیر دار لوگ ہیں اللہ کے فقیر سنگ صنم ہوں آب جو ہم ذکر ہو کریں موجود گو کہ تو ہے مگر چاہتا ہے شوق آوارہ ہوں تلاش تری چار سو کریں آتشؔ یہ وہ زمیں ہے کہ جس میں بقول دردؔ دل ہی نہیں رہا ہے جو کچھ آرزو کریں
English rendering
Is shash jehat mein khoob teri justuju karein Kaabe mein chal ke sajda tujhe chaar su karein Aashiq jo husn-e-paak mein kuchh guftugu karein Daaman ka peechhe naam lein pehle wazu karein Sharminda hon zameen mein gadein surkh-roo karein Istaadagi jo sarv tere rubaru karein Paida karein jo tujh ko unhein ko hai dastaras Paamard hain wohi jo teri justuju karein Le ja chuki chaman mein saba boo-e-zulf-e-yaar Sunbul ke silsile ko bhi barham woh moo karein Afsaana-goee af'ee-e-gaisu-e-yaar mein Khaamosh hon chiragh jo hum guftugu karein Deewangi ka silsila jaave na haath se Daaman ko phaadiye jo garebaan rafoo karein Ae badshah-e-husn faqiron ki tarah se Aashiq dua-e-khair tujhe ku ba ku karein Deedaar-e-aam keejiye parda uthaaiye Ta chand banda-haaye-Khuda aarzoo karein Masti mein mujh se be-adabi hogi yaar se Mujh ko gunahgaar na jaam-o-saboo karein Deewan-e-husn mein se hui hai yeh intikhaab Aashiq mizaaj sair-e-bayaaz-e-guloo karein Wird-e-zabaan hai roz-o-shab un ki sana-e-husn Shaayaan hai jis qadar ke yeh shaa'ir ghulu karein Likh dete hain haseenon ko hum khat-e-bandagi Mashq-e-sitam ko tark jo yeh tund-khu karein Hairaan-e-kaar hun tere rukhsaar-e-saaf ka Sakhta ho aayina jo tere rubaru karein Murgh-e-chaman hun zamzama-pera bahaar aayi Hangama garm shifta-e-rang-o-boo karein Taaseer-daar log hain Allah ke faqeer Sang-e-sanam hon aab jo hum zikr-e-hoo karein Maujood go ke tu hai magar chaahta hai shauq Aawaara hon talaash teri chaar su karein Atish! yeh woh zameen hai ke jis mein ba-qaul-e-Dard! Dil hi nahin raha hai jo kuchh aarzoo karein