جوہر نہیں ہمارے ہیں صیاد پر کھلے
جوہر نہیں ہمارے ہیں صیاد پر کھلے لے کر قفس کو اڑ گئے رکھا جو پر کھلے شیشے شراب کے رہیں آٹھوں پہر کھلے ایسا گھرے کہ پھر نہ کبھی ابر تر کھلے کچھ تو ہمیں حقیقت شمس و قمر کھلے کس کج کلہ کے عشق میں پھرتے ہیں سر کھلے انصاف کو ہیں دیدۂ اہل نظر کھلے پردہ اٹھا کہ پردۂ شمس و قمر کھلے رنگریز کی دکاں میں بھرے ہوں ہزار رنگ طرہ وہ ہے جو یار کی دستار پر کھلے کیا چیز ہے عبارت رنگیں میں شرح شوق خط کی طرح طبیعت بستہ اگر کھلے جو چاہیں یار سے کہیں اغیار غم نہیں خواجہ کو ہیں غلام کے عیب و ہنر کھلے حیواں پر آدمی کو شرف نطق سے ہوا شکر خدا کرے جو زبان بشر کھلے یوسف کی اک دکاں میں نہ تو نے تلاش کی بازار کون کون سے اے بے خبر کھلے شیریں دہن سے تیرے تعجب ہے گفتگو اعجاز ہے اگر گرہ نیشکر کھلے کٹ جائے وہ زباں نہ ہو جس سے دعائے خیر پھوٹے وہ آنکھ جو کہ نہ وقت سحر کھلے کوتہ ہے اس قدر مرے قد پر ردائے عیش ڈھانکوں جو پاؤں کو تو یقیں ہے کہ سر کھلے قاتل جزائے خیر ملے تیری تیغ کو زخموں کے منہ کھلے نہیں جنت کے در کھلے فصل بہار آئی ہے چلتا ہے دور جام مغ کی دکان شام کھلے یا سحر کھلے پاپوش ہم نے ماری ہے دستار و تاج پر سودائے زلف یار میں رہتے ہیں سر کھلے کیف شراب ناب کا انجام ہو بخیر شلوار بند ساقیٔ رشک قمر کھلے نا خواندہ شرح شوق جلائے گئے خطوط باندھے گئے وہ جو کہ مرے نامہ بر کھلے چاہے صفا تو ساتھ طہارت کے ذکر کر پرہیز کر تو تجھ کو دوا کا اثر کھلے ہنس کر دکھائے دانت جو ہم کو تو کیا ہوا لے لیجئے جو قیمت سلک گہر کھلے کہتا ہوں راز عشق مگر ساتھ شرط کے کانوں ہی تک رہے نہ زباں کو خبر کھلے مشتاق بندشوں کے ہیں خوابوں کو چاہئے بندھوائیں شاعروں سے جو ان کی کمر کھلے رکتی نہ اس سے چوٹ نہ چلتی یہ قاتلا ہاتھوں سے تیرے جوہر تیغ و سپر کھلے مطلب نہ سر نوشت کا سمجھا تو شکر کر دیوانہ ہو جو حال قضا و قدر کھلے چلنا پڑے گا یار کی خدمت میں سر کے بل سمجھے ہو کیا جو بیٹھے ہو آتشؔ کمر کھلے
English rendering
Jauhar nahin hamaare hain saiyyaad par khule Le kar qafas ko uR gaye rakha jo par khule Sheeshe sharāb ke raheñ aathooñ pahar khule Aisa ghare ke phir na kabhi abr-e-tar khule Kuchh to hameñ haqeeqat-e-shams-o-qamar khule Kis kaj-kulah ke ishq mein phirte hain sar khule Insaaf ko hain deeda-e-ahl-e-nazar khule Parda uThā ke parda-e-shams-o-qamar khule Rangrez ki dukan mein bhare hoñ hazār rang Tarh wo hai jo yaar ki dastaar par khule Kya cheez hai ibārat-e-rangeeñ mein sharh-e-shauq Khat ki tarah tabī'at-e-basta agar khule Jo chaahein yaar se kaheñ aghyār gham nahin Khwaja ko hain ghulām ke aib-o-hunar khule Haiwāñ par aadmi ko sharaf-e-nutq se hua Shukr-e-khudā kare jo zabān-e-bashar khule Yusuf ki ek dukan mein na tu ne talash ki Bazaar kaun kaun se ae be-khabar khule Shireeñ-dahan se tere ta'ajjub hai guftugu I'jāz hai agar girah-e-naishekkar khule KaT jaae wo zabāñ na ho jis se dua-e-khair PhuTe wo aaṅkh jo keh na waqt-e-sahar khule Kotah hai is qadar mere qad par rida-e-aish Ḍhānkuñ jo pāooñ ko to yaqeeñ hai ke sar khule Qātil jazā-e-khair mile teri tegh ko Zakhmōñ ke muñh khule nahin jannat ke dar khule Fasl-e-bahār āi hai chaltā hai daur-e-jām Mugh ki dukan sham khule ya sahar khule Paposh ham ne maari hai dastaar-o-tāj par Sauda-e-zulf-e-yaar mein rehte hain sar khule Kaif-e-sharāb-e-nāb ka anjām ho ba-khair Shalwār-band-e-sāqi-e-rashk-e-qamar khule Nā-khwānda sharh-e-shauq jalāe gaye khutoot Bandhe gaye wo jo keh mere nāma-bar khule Chāhe safā to saath-e-tahārat ke zikr kar Parhez kar to tujh ko dawā ka asar khule Hans kar dikhaae daant jo ham ko to kya hua Le leejiye jo qeemat-e-silk-e-gauhar khule Kehta huñ raaz-e-ishq magar saath shart ke Kānoñ hi tak rahe na zabān ko khabar khule Mushtāq bandishoñ ke hain khwaaboñ ko chāhiye Bandhwayeñ shā'iroñ se jo un ki kamar khule Rukti na is se choT na chalti ye qātilā Haathōñ se tere jauhar-e-tegh-o-sipar khule Matlab na sar-nawisht ka samjhā to shukr kar Deewana ho jo haal-e-qazā-o-qadar khule Chalna paRega yaar ki khidmat mein sar ke bal Samjhe ho kya jo baiThe ho Atish! kamar khule