جگر کو داغ میں مانند لالہ کیا کرتا
جگر کو داغ میں مانند لالہ کیا کرتا لبالب اپنے لہو کا پیالہ کیا کرتا ملا نہ سرو کو کچھ اپنی راستی میں پھل کلاہ کج جو نہ کرتا تو لالہ کیا کرتا جریدہ میں رہ پر خون عشق سے گزرا جرس سے قافلہ میں بحث نالہ کیا کرتا جنون عشق میں رہنا تھا امتیاز نہ کچھ چکور طوق گلو مہ کا ہالہ کیا کرتا بجا کیا اسے توڑا جو سر سے دریا کے حباب لے کے یہ خالی پیالہ کیا کرتا نہ کھایا غصہ کبھی خوانچہ سے قسمت کے پھنسے جو حلق میں میں وہ نوالہ کیا کرتا بلائے بد ہوئی داغوں سے سردیٔ کافور سلوک نیک زراعت سے ژالہ کیا کرتا دیا نوشتہ نہ اس بت کو دل کے تودے میں خدا کے گھر کا بھلا میں قبالہ کیا کرتا صفا ہوا نہ ریاضت سے نفس امارہ کوئی نجاست سگ کا ازالہ کیا کرتا لگی ہے آگ جو کمبل کبھی اڑاھایا ہے ترے برہنہ سے گرمی دوشالہ کیا کرتا نہ کرتی عقل اگر مفت آسماں کی سیر کوئی یہ سات ورق کا رسالہ کیا کرتا مری طرف جو انہیں کھینچتی کشش دل کی بتوں کو برہمنوں کا حوالہ کیا کرتا کسی نے مول نہ پوچھا دل شکستہ کا کوئی خرید کے ٹوٹا پیالہ کیا کرتا عروس دہر سے بوئے وفا نہیں آتی بھلا جگر کا میں اس کے ازالہ کیا کرتا مہ دو ہفتہ بھی ہوتا تو لطف تھا آتشؔ اکیلے پی کے شراب دو سالہ کیا کرتا
English rendering
Jigar ko daagh mein manind-e-lala kya karta Labalab apne lahu ka pyala kya karta Mila na sarv ko kuchh apni raasti mein phal Kulha kajj jo na karta to lala kya karta Jareeda mein reh-e-pur khoon-e-ishq se guzra Jaras se qafla mein behs-e-nalah kya karta Junoon-e-ishq mein rehna tha imtiyaz na kuchh Chakaur tauq-e-guloo-e-mah ka hala kya karta Baja kya use toda jo sar se darya ke Habab le ke yeh khali pyala kya karta Na khaya ghussa kabhi khwancha se qismat ke Phanse jo halq mein main woh niwala kya karta Balai-e-bad hui daaghon se sardi-e-kafoor Sulook nek zara'at se jhala kya karta Diya nawishta na us but ko dil ke tude mein Khuda ke ghar ka bhala main qabala kya karta Safa hua na riyazat se nafs-e-ammara Koi nijasat-e-sag ka izalah kya karta Lagi hai aag jo kambal kabhi udaya hai Tere barahna se garmi doshala kya karta Na karti aql agar muft aasman ki sair Koi yeh saat waraq ka risalah kya karta Meri taraf jo inhen kheenchti kashish-e-dil ki Buton ko Brahmanon ka hawala kya karta Kisi ne mol na poocha dil-e-shikasta ka Koi khareed ke toota pyala kya karta Aroos-e-dahar se bu-e-wafa nahin aati Bhala jigar ka main is ke izalah kya karta Mah do hafta bhi hota to lutf tha Atash Akele pee ke sharab-e-do salah kya karta