کون سے دل میں محبت نہیں جانی تیری
کون سے دل میں محبت نہیں جانی تیری جس کو سنتا ہوں وہ کہتا ہے کہانی تیری کچھ دہن ہی نہیں وہم شعرا کے نزدیک مو سے باریک کمر بھی ہے گمانی تیری جس کے آگے سے گزرتا ہے وہ کہتا ہے یہی دیکھی اے روح رواں ہم نے روانی تیری شیشۂ مے سے کوئی میری زبانی کہہ دے خوش نہیں آتی ہے یہ پنبہ دہانی تیری کیا تری شان ہے قربان ہوں اے عفو کریم آس رکھتا ہے ہر اک فاسق و زانی تیری اس خرابی میں ترے واسطے پھرتے ہیں خراب جستجو ہم کو ہے اے کنج نہانی تیری عین احساں ہے مرے صفحۂ دل پر مجھ کو ایک تصویر اگر کھینچ دے مانیؔ تیری صبح تک شام سے کرتی ہے زباں ذکر جمال نیند آتی ہے کسے سن کے کہانی تیری مثل گل ہنس کے کسی روز تو دل کو خوش کر خوں رلاتی ہے ہمیں غنچہ دہانی تیری ناز و انداز و ادا میں ہے ترقی دہ چند فتنہ طفلی تھی قیامت ہے جوانی تیری کون سے غلہ کا دانہ تو اے دانۂ خال ہم نے ارزانی میں بھی پائی گرانی تیری گرم جوشی سے جلایا کرے کشف و خرمن برق ہو سکتی نہیں شوخی میں ثانی تیری جان کی طرح سے رکھتا ہے عزیز اے گل رو داغ دل لالہ نے سمجھا ہے نشانی تیری مصرع تیغ ہے ہر مصرع موزوں آتشؔ دیکھ لی یار مری سیف زبانی تیری
English rendering
Kaun se dil mein mohabbat nahin jaani teri Jis ko sunta hun woh kehta hai kahaani teri Kuchh dahan hi nahin wahm-e-shu'ara ke nazdeek Mo se baareek kamar bhi hai gumaani teri Jis ke aage se guzarta hai woh kehta hai yehi Dekhi ae rooh-e-rawaan hum ne rawaani teri Sheeshe-e-mai se koi meri zabaani keh de Khush nahin aati hai yeh pumba-dahani teri Kya teri shaan hai qurbaan hun ae Afw-e-Kareem Aas rakhta hai har ik faasiq-o-zaani teri Is kharaabi mein tere waaste phirte hain kharab Justuju hum ko hai ae kunj-e-nihaani teri Ain-e-ehsaan hai mere safha-e-dil par mujh ko Ek tasveer agar kheench de Maani! teri Subh tak shaam se karti hai zabaan zikr-e-jamaal Neend aati hai kise sun ke kahaani teri Misl-e-gul hans ke kisi roz tu dil ko khush kar Khoom rulaati hai humein ghuncha-dahani teri Naaz-o-andaaz-o-adaa mein hai taraqqi dah chand Fitna-e-tifli thi qayamat hai jawaani teri Kaun se ghalla ka daana tu ae daana-e-khaal Hum ne arzaani mein bhi paayi giraani teri Garm-joshi se jalaya kare kashf-o-khirman Barq ho sakti nahin shokhi mein saani teri Jaan ki tarah se rakhta hai azeez ae gul-roo Daagh-e-dil-e-laala ne samjha hai nishaani teri Misra-e-tegh hai har misra-e-mauzoon Atish! Dekh li yaar meri saif-zabaani teri