خار مطلوب جو ہووے تو گلستاں مانگوں
خار مطلوب جو ہووے تو گلستاں مانگوں بجلی گرنے کو جو جی چاہے تو باراں مانگوں شمع گل ہووے جو صبح شب ہجراں مانگوں اوس پڑنی بھی ہو موقوف جو یاراں مانگوں خاک میں بھی جو ملوں میں تو کسی صحرا میں تم سے مٹی بھی نہ اے گبر و مسلماں مانگوں بخت واژوں نے زباں کو یہ اثر بخشا ہے تلخیٔ مرگ مزا دے جو نمک داں مانگوں خانۂ دل میں کروں داغ محبت کو طلب روشنی کے لیے اس گھر کے جو مہماں مانگوں پادشاہی سے فقیری کا ہے پایا بالا بوریا چھوڑ کے کیا تخت سلیماں مانگوں رنج سے عشق کے ہے راحت دنیا بد تر زخم خنداں ہوں اگر میں گل خنداں مانگوں دے دیا کیجئے سودائی تمہارا ہوں میاں سونگھنے کو جو کبھی زلف پریشاں مانگوں عاشق دست نگاریں ہوں عجب کیا اس کا بھیک دریا سے اگر پنجۂ مرجاں مانگوں میوے پر باغ جہاں میں ہو جو دل کو رغبت شجر حسن سے میں سیب زنخداں مانگوں جامۂ جسم بھی رکھنے کا نہیں دست جنوں پیرہن خاک میں دیوانۂ عریاں مانگوں یاس و حرماں ہوں جو لوہے کے چنے بھی تو چباؤں نعمت عشق کے قابل لب و دنداں مانگوں ملتی ہو مانگنے سے باغ جہاں میں جو مراد گل سے بلبل کے کفن کے لئے داماں مانگوں کب سے در پر ترے سائل ہوں میں آتشؔ کی طرح وہ ملے مجھ کو جو کچھ اے شہ خوباں مانگوں
English rendering
Khaar matloob jo hoove to gulistaan maangun Bijli girne ko jo jee chaahe to baaraan maangun Shama gul hoove jo subh-e-shab-e-hijraan maangun Ous padni bhi ho mauqoof jo yaaraan maangun Khaak mein bhi jo milun main to kisi sehra mein Tum se mitti bhi na ae gabr o musalmaan maangun Bakht-e-waazhon ne zabaan ko ye asar bakhsha hai Talkhi-e-marg maza de jo namak-daan maangun Khana-e-dil mein karun daagh-e-mohabbat ko talab Roshni ke liye is ghar ke jo mehmaan maangun Paadshahi se faqiri ka hai paaya baala Boriya chhod ke kya takht-e-Sulaimaan maangun Ranj se ishq ke hai rahat-e-duniya badtar Zakhm-e-khandaan houn agar main gul-e-khandaan maangun De diya kijiye saudaai tumhara houn miyan Soonghne ko jo kabhi zulf-e-pareshan maangun Aashiq-e-dast-e-nigaareen houn ajab kya is ka Bheek darya se agar panja-e-marjaan maangun Mewe par baagh-e-jahaan mein ho jo dil ko raghbat Shajar-e-husn se main seyb-e-zanakhdaan maangun Jaama-e-jism bhi rakhne ka nahin dast-e-junoon Pairahan khaak mein diwana-e-uryan maangun Yaas o hurmaan houn jo lohe ke chane bhi to chabaaun Nemat-e-ishq ke qabil lab o dandaan maangun Milti ho maangne se baagh-e-jahaan mein jo muraad Gul se bulbul ke kafan ke liye daamaan maangun Kab se dar par tere sa'il houn main Atish ki tarah Wo mile mujh ko jo kuch ae Shah-e-khoobaan maangun