خواہاں ترے ہر رنگ میں اے یار ہمیں تھے
خواہاں ترے ہر رنگ میں اے یار ہمیں تھے یوسف تھا اگر تو تو خریدار ہمیں تھے بیداد کی محفل میں سزا وار ہمیں تھے تقصیر کسی کی ہو گنہ گار ہمیں تھے وعدہ تھا ہمیں سے لب بام آنے کا ہونا سایہ کی طرح سے پس دیوار ہمیں تھے کنگھی تری زلفوں کی ہمیں پر تھی مقرر آئینہ دکھاتے تجھے ہر بار ہمیں تھے نعمت تھی ترے حسن کی حصہ میں ہمارے تو کان ملاحت تھا خریدار ہمیں تھے سودا زدہ زلفوں کا نہ تھا اپنے سوا ایک آزاد دو عالم تھا گرفتار ہمیں تھے تو اور ہم اے دوست تھے یک جان دو قالب تھا غیر سوا اپنے جو تھا یار ہمیں تھے بیمار محبت تھا سوا اپنے نہ کوئی اک مستحق شربت دیدار ہمیں تھے بے اپنے بہلتی تھی طبیعت نہ کسی سے دل سوز ہمیں تھے ترے غم خوار ہمیں تھے اک جنبش مژگاں سے غش آتا تھا ہمیں کو دو نرگس بیمار کے بیمار ہمیں تھے جب چاہتے تھے لیتے تھے آغوش میں تم کو مجبور سے رہ جاتے تھے مختار ہمیں تھے ہم سا نہ کوئی چاہنے والا تھا تمہارا مرتے تھے ہمیں جان سے بیزار ہمیں تھے بد نام محبت نے تری ہم کو کیا تھا رسوائے سر کوچہ و بازار ہمیں تھے دل ٹھوکریں کھاتا تھا نہ ہر گام کسی کا اک خاک میں ملتے دم رفتار ہمیں تھے بھڑکانے سے آتشؔ کو جلانے لگے یا تو الطاف و عنایت کے سزا وار ہمیں تھے
English rendering
Khwahan tere har rang mein aye yaar hamein the Yusuf tha agar tu to khareedar hamein the Bedaad ki mahfil mein saza-waar hamein the Taqseer kisi ki ho gunah-gar hamein the Waada tha hamein se lab-e baam aane ka hona Saya ki tarah se pas-e deewar hamein the Kanghi teri zulfon ki hamein par thi muqarrar Aaina dikhate tujhe har baar hamein the Naimat thi tere husn ki hissa mein hamare Tu kaan-e malahhat tha khareedar hamein the Sauda-zada zulfon ka na tha apne siwa ek Azad-e do alam tha giraftar hamein the Tu aur hum aye dost the yak-jaan do qaalib Tha ghair siwa apne jo tha yaar hamein the Beemar-e muhabbat tha siwa apne na koi Ik mustahiq-e sharbat-e didar hamein the Be apne behalti thi tabiyat na kisi se Dil-soz hamein the tere gham-khwar hamein the Ik junbish-e mizhgaan se ghash aata tha hamein ko Do nargis-e beemar ke beemar hamein the Jab chahte the lete the aaghosh mein tum ko Majboor se rah jaate the mukhtar hamein the Hum sa na koi chahne wala tha tumhara Marte the hamein jaan se bezaar hamein the Bad-naam-e muhabbat ne teri hum ko kiya tha Ruswa-e sar-e koocha o bazaar hamein the Dil thokarain khata tha na har gaam kisi ka Ik khak mein milte dam-e raftar hamein the BhaDkane se Atishؔ ko jalane lage ya to Altaf o inayat ke saza-waar hamein the