کوئی اچھا نہیں ہوتا ہے بری چالوں سے
کوئی اچھا نہیں ہوتا ہے بری چالوں سے لب بام آ کے کھڑے ہو نہ کھلے بالوں سے روز و شب کس لیے رہتا ہوں الٰہی بیتاب نہ تو گوروں سے محبت نہ مجھے کالوں سے جوش وحشت میں جو جنگل کی طرف جا نکلا تپ چڑھی شیر نیستاں کو مرے نالوں سے کوئی کچھ عشق کا کرتا ہے بیاں کوئی کچھ تنگ آیا ہوں میں اس قضیہ کے دلالوں سے بیشتر صبح شب وصل سے ہم گزریں گے زور ادبار چلے گا نہ خوش اقبالوں سے مست ہاتھی ہے تری چشم سیہ مست اے یار صف مژگاں اسے گھیرے ہوے ہے بھالوں سے روئے خوباں سے ملے گا ہمیں بوسہ کہ نہیں حال ان شکلوں کا کچھ پوچھیے رمالوں سے عارضی حسن سے نفرت یہ ہوئی ہے دل کو رتبہ زلفوں کو نہیں مکڑیوں کے جالوں سے خط شب گوں نے نکل کر عبث اندھیر کیا کافرستاں تو وہ رخ آگے ہی تھا خالوں سے دو جہاں حشر کے دن ہوویں گے باہم موجود متفق ہوں گے اِدھر والے اُدھر والوں سے دل حسینوں کے تصور سے بنایا خالی آئینہ خانوں میں کثرت رہی تمثالوں سے کچھ تو ہلکا کریں خار رہ صحرائے جنوں بوجھ لنگر کا ہوئے ہیں کف پا چھالوں سے ان کے بوسوں کی تمنا ہے لبوں کو آتشؔ آئنہ کسب صفا کرتے ہیں جن گالوں سے
English rendering
Koi achha nahin hota hai buri chaalon se Lab-e-baam aa ke khade ho na khule baalon se Roz-o-shab kis liye rehta hun ilaahi betaab Na to goron se mohabbat na mujhe kaalon se Josh-e-wahshat mein jo jangal ki taraf ja nikla Tap chadhi sher-e-naistaan ko mere naalon se Koi kuchh ishq ka karta hai bayaan koi kuchh Tang aaya hun main is qaziye ke dallaalon se Beshtar subh-e-shab-e-wasl se hum guzreinge Zor-e-adbaar chalega na khush-iqbaalon se Mast haathi hai teri chashm-e-siyah-e-mast ae yaar Saf-e-mizhgaan usay ghere hue hai bhaalon se Roo-e-khooban se milega humein bosa ke nahin Haal in shaklon ka kuchh poochhiye rammaalon se Aarizi husn se nafrat yeh hui hai dil ko Rutba zulfon ko nahin makdiyon ke jaalon se Khat-e-shab-goon ne nikal kar abas andher kiya Kafiristaan to woh rukh aage hi tha khaalon se Do jahan hashr ke din hovein ge baham maujood Muttafiq honge idhar waale udhar waalon se Dil haseenon ke tasavvur se banaya khaali Aayina-khaanon mein kasrat rahi timsaalon se Kuchh to halka karein khaar-e-reh-e-sehra-e-junoon Bojh langar ka hue hain kaf-e-paa chhaalon se Un ke boson ki tamanna hai labon ko Atish! Aayina kasb-e-safa karte hain jin gaalon se