کیا کیا نہ رنگ تیرے طلب گار لا چکے
کیا کیا نہ رنگ تیرے طلب گار لا چکے مستوں کو جوش صوفیوں کو حال آ چکے ہستی کو مثل نقش کف پا مٹا چکے عاشق نقاب شاہد مقصود اٹھا چکے کعبے سے دیر دیر سے کعبے کو جا چکے کیا کیا نہ اس دوراہے میں ہم پھیر کھا چکے گستاخ ہاتھ طوق کمر یار کے ہوئے حد ادب سے پاؤں کو آگے بڑھا چکے کنعاں سے شہر مصر میں یوسف کو لے گئے بازار میں بھی حسن کو آخر دکھا چکے پہنچے تڑپ تڑپ کے بھی جلاد تک نہ ہم طاقت سے ہاتھ پاؤں زیادہ ہلا چکے ہوتی ہے تن میں روح پیام اجل سے شاد دن وعدۂ وصال کے نزدیک آ چکے پیمانہ میری عمر کا لبریز ہو کہیں ساقی مجھے بھی اب تو پیالہ پلا چکے دیوانہ جانتے ہیں ترا ہوشیار انہیں جامے کو جسم کے بھی جو پرزے اڑا چکے بے وجہ ہر دم آئنہ پیش نظر نہیں سمجھے ہم آپ آنکھوں میں اپنی سما چکے اس دل ربا سے وصل ہوا دے کے جان کو یوسف کو مول لے چکے قیمت چکا چکے اٹھا نقاب چہرۂ زیبائے یار سے دیوار درمیاں جو تھی ہم اس کو ڈھا چکے زیر زمیں بھی تڑپیں گے اے آسمان حسن بیتاب تیرے گور میں بھی چین پا چکے آرائش جمال بلا کا نزول ہے اندھیر کر دیا جو وہ مسی لگا چکے دو ابرو اور دو لب جاں بخش یار کے زندوں کو قتل کر چکے مردے جلا چکے مجبور کر دیا ہے محبت نے یار کی باہر ہم اختیار سے ہیں اپنے جا چکے صدموں نے عشق حسن کے دم کر دیا فنا آتشؔ سزا گناہ محبت کی پا چکے
English rendering
Kya kya na rang tere talabgar la chuke Maston ko josh, sufiyon ko haal aa chuke Hasti ko misl-e-naqsh-e-kaf-e-pa mita chuke Aashiq naqab-e-shahid-e-maqsood utha chuke Kaabe se dair dair se kaabe ko ja chuke Kya kya na is doraha mein hum pher kha chuke Gustakh haath tauq-e-kamar-e-yar ke hue Hadd-e-adab se paon ko aage barha chuke Kanaan se shahr-e-Misr mein Yusuf ko le gaye Bazaar mein bhi husn ko akhir dikha chuke Pahunche tarap tarap ke bhi jallad tak na hum Taqat se haath paon zyada hila chuke Hoti hai tan mein rooh payam-e-ajal se shad Din wada-e-visal ke nazdeek aa chuke Paimana meri umr ka labrez ho kahin Saqi mujhe bhi ab to pyala pila chuke Deewana jaante hain tera hoshiyar unhein Jame ko jism ke bhi jo purze ura chuke Be-wajah har dam aaina pesh-e-nazar nahin Samjhe hum aap aankhon mein apni sama chuke Is dilruba se vasl hua de ke jaan ko Yusuf ko mol le chuke qimat chuka chuke Utha naqab chehra-e-zeba-e-yar se Deewar darmiyan jo thi hum us ko dha chuke Zer-e-zameen bhi tarpenge ae asman-e-husn Betaab tere gor mein bhi chain pa chuke Aaraish-e-jamal bala ka nuzool hai Andher kar diya jo woh massi laga chuke Do abroo aur do lab-e-jaan-bakhsh-e-yar ke Zindon ko qatl kar chuke, murde jala chuke Majboor kar diya hai mohabbat ne yar ki Bahar hum ikhtiyar se hain apne ja chuke Sadmon ne ishq-e-husn ke dam kar diya fana Atish! saza-e-gunah-e-mohabbat ki pa chuke