لباس یار کو میں پارہ پارہ کیا کرتا
لباس یار کو میں پارہ پارہ کیا کرتا قبائے گل سے اسے استعارہ کیا کرتا بہار گل میں ہیں دریا کے جوش کی لہریں بھلا میں کشتیٔ مے سے کنارہ کیا کرتا نقاب الٹ کے جو منہ عاشقوں کو دکھلاتے تمہیں کہو کہ تمہارا نظارہ کیا کرتا سنا جو حال دل زار یار نے تو کہا طبیب مرتے ہوئے کاہے چارہ کیا کرتا ہلال عید کا ہر چند ہو جہاں مشتاق تمہاری ابروؤں کا سا اشارہ کیا کرتا حقیقت دہن یار کھولتا کیوں کر نہفتہ راز کو میں آشکارہ کیا کرتا قدم کو پیچھے رہ خوفناک عشق میں رکھ یہ پہلے دیکھ لے دل ہے اشارہ کیا کرتا خم شراب سے مجھ مست نے نہ منہ پھیرا کنار آب سے پیاسا کنارہ کیا کرتا بہار تھی جو وہ گل چہرہ یار بھی ہوتا اکیلے جا کے چمن کا نظارہ کیا کرتا گداز موم سے ہر استخواں کو پاتا ہوں پھر اور سوزش دل کا حرارا کیا کرتا بڑا ہی خوار علاقہ ہے گلشن الفت مری طرح کوئی اس میں اجارہ کیا کرتا شراب خلد کی خاطر دہن ہے رکھتا صاف وضو میں ورنہ یہ زاہد غرارہ کیا کرتا شکستہ دل نہ ہو اس بت کے ناز سے کیوں کر سلوک شیشہ سے ہے سنگ خارا کیا کرتا بہار گل میں پیالہ لگا لیا منہ سے شراب پینے کو میں استخارہ کیا کرتا فقیر کو نہیں درکار شان امیروں کی سر برہنہ سر گوشوارہ کیا کرتا بہار گل میں تھا جامہ سے باہر اے آتشؔ نہ کرتا میں جو گریباں کو پارہ کیا کرتا
English rendering
Libaas yaar ko main paarah paarah kiya karta Qab-e-gul se usay iste'aara kiya karta Bahar-e-gul mein hain darya ke josh ki lehrein Bhala main kashti-e-mai se kinaara kiya karta Naqab ult ke jo munh aashiqon ko dikhlate Tumhein kaho ke tumhaara nazaara kiya karta Suna jo haal-e-dil-e-zaar yaar ne to kaha Tabeeb marte hue kaahay chaarah kiya karta Hilal-e-Eid ka har chand ho jahan mushtaq Tumhaari abruon ka sa ishaara kiya karta Haqeeqat-e-dahan-e-yaar kholta kyun kar Nahifta raaz ko main aashkaara kiya karta Qadam ko peechhe reh khaufnaak ishq mein rakh Yeh pehle dekh le dil hai ishaara kiya karta Khum-e-sharaab se mujh mast ne na munh phera Kinaar-e-aab se pyaasa kinaara kiya karta Bahar thi jo woh gul-chehra yaar bhi hota Akele ja ke chaman ka nazaara kiya karta Gudaaz-e-mom se har istikhwaan ko paata hun Phir aur sozish-e-dil ka haraara kiya karta Bada hi khwaar ilaqa hai gulshan-e-ulfat Meri tarah koi is mein ijaara kiya karta Sharab-e-khuld ki khaatir dahan hai rakhta saaf Wazu mein warna yeh zaahid gharaara kiya karta Shikasta dil na ho is but ke naaz se kyun kar Sulook sheeshe se hai sang-e-khaara kiya karta Bahar-e-gul mein pyaala laga liya munh se Sharab peene ko main istikhaara kiya karta Faqeer ko nahin darkaar shan ameeron ki Sar barehna sar goshwaara kiya karta Bahar-e-gul mein tha jaama se bahar ae Atish! Na karta main jo garebaan ko paarah kiya karta