موت مانگوں تو رہے آرزو خواب مجھے
موت مانگوں تو رہے آرزوئے خواب مجھے ڈوبنے جاؤں تو دریا ملے پایاب مجھے میری ایذا کے لئے مردے میں جان آتی ہے کاٹنے دوڑتی ہے ماہیٔ بے آب مجھے دہن گرگ سے جیتا جو بچوں صحرا میں ذبح کرنے کے لیے مول لے قصاب مجھے ہوں تصور میں صفائے بدن یار کے غرق حلقۂ ناف ہوا حلقۂ گرداب مجھے مردم دیدۂ قربانی ہوں میں دیوانہ آئے دروازہ کھلے بن نہ کبھی خواب مجھے اے فلک رہنے دے عریاں ہی پس از مرگ بھی تو سونپتا کیا ہے کفن دزد کا اسباب مجھے نہیں رکھتے ہیں امیری کی ہوس مرد فقیر شیر کی کھال ہی ہے قاقم و سنجاب مجھے جوش سے اشکوں کے پھر جائے گا سر پر پانی کھینچ لے جائے گا دریا میں یہ سیلاب مجھے دیر و کعبہ میں ان آنکھوں سے نہیں حلقۂ در کوئی ابرو سے دکھاتا نہیں محراب مجھے فرقت یار میں کرتی ہے قیامت برپا روز محشر سے نہیں کم شب مہتاب مجھے مرض عشق سے بچ جاؤں جو تم دلوا دو صدقہ اپنے لب جاں بخش کا عناب مجھے چین لینے نہ دیا درد جدائی نے کبھی کب میں سویا کہ جگایا نہیں بد خواب مجھے نہیں بھولا ہے جنوں میں وہ حواس اڑ جانا یاد ہے برہمیٔ صحبت احباب مجھے نام کو میرے بھی احباب میں اپنے لکھے ذرہ سمجھا رہے وہ مہر جہاں تاب مجھے دل غنی چاہئے گو ہوں میں فقیر اے آتشؔ شیر کی کھال ہی ہے قاقم و سنجاب مجھے
English rendering
Maut maangoon to rahe aarzoo-e khwab mujhe Doobne jaaun to darya mile payab mujhe Meri eza ke liye murde mein jaan aati hai Kaatne dauDti hai mahi-e be-aab mujhe Dahan-e gurg se jeeta jo bachoon sahra mein Zabh karne ke liye mol le qassab mujhe Hoon tasavvur mein safai-e badan-e yaar ke gharq Halqa-e naaf hua halqa-e girdab mujhe Mardum-e deeda-e qurbani hoon main deevana Aaye darwaza khule ban na kabhi khwab mujhe Aye falak rehne de uriyan hi pas az marg bhi tu Saunpta kya hai kafan-e duzd ka asbab mujhe Nahin rakhte hain ameeri ki havas mard-e faqeer Sher ki khaal hi hai qaqam o sanjab mujhe Josh se ashkon ke phir jaayega sar par pani Kheencho le jaayega darya mein yeh sailab mujhe Dair o Ka'aba mein in aankhon se nahin halqa-dar Koi abroo se dikhata nahin mehrab mujhe Furqat-e yaar mein karti hai qayamat barpa Roz-e mahshar se nahin kam shab-e mahtab mujhe Maraz-e ishq se bach jaaun jo tum dilwa do Sadqa apne lab-e jaan-bakhsh ka inab mujhe Chain lene na diya dard-e judai ne kabhi Kab main soya ke jagaya nahin bad-khwab mujhe Nahin bhoola hai junoon mein woh hawas uD jaana Yaad hai barhami-e sohbat-e ahbab mujhe Naam ko mere bhi ahbab mein apne likhe Zarra samjha rahe woh mehr-e jahan-taab mujhe Dil ghani chahiye go hoon main faqeer aye Atishؔ Sher ki khaal hi hai qaqam o sanjab mujhe