مرے دل کو شوق فغاں نہیں مرے لب تک آتی دعا نہیں
مرے دل کو شوق فغاں نہیں مرے لب تک آتی دعا نہیں وہ دہن ہوں جس میں زباں نہیں وہ جرس ہوں جس میں صدا نہیں نہ تجھے دماغ نگاہ ہے نہ کسی کو تاب جمال ہے انہیں کس طرح سے دکھاؤں میں وہ جو کہتے ہیں کہ خدا نہیں کسے نیند آتی ہے اے صنم ترے طاق ابرو کی یاد میں کبھی آشنائے تہ بغل سر مرغ قبلہ نما نہیں عجب اس کا کیا نہ سماؤں میں جو خیال دشمن و دوست ہے وہ مقام ہوں کہ گزر نہیں وہ مکان ہوں کہ پتا نہیں یہ خلاف ہو گیا آسماں یہ ہوا زمانہ کی پھر گئی کہیں گل کھلے بھی تو بوند سے کہیں حسن ہے تو وفا نہیں مرض جدائی یار نے یہ بگاڑ دی ہے ہماری خو کہ موافق اپنے مزاج کے نظر آتی کوئی دوا نہیں مجھے زعفران سے زرد تر غم ہجر یار نے کر دیا نہیں ایسا کوئی زمانہ میں مرے حال پر جو ہنسا نہیں مرے آگے اس کو فروغ ہو یہ مجال کیا ہے رقیب کی یہ ہجوم جلوۂ یار ہے کہ چراغ خانہ کو جا نہیں چلیں گو کہ سیکڑوں آندھیاں جلیں گرچہ لاکھ گھر اے فلک بھڑک اٹھے آتشؔ طور پھر کوئی اس طرح کی دوا نہیں
English rendering
Mere dil ko shauq-e fughan nahin mere lab tak aati dua nahin Woh dahan hoon jis mein zaban nahin woh jaras hoon jis mein sada nahin Na tujhe dimagh-e nigah hai na kisi ko taab-e jamal hai Unhein kis tarah se dikhaoon main woh jo kehte hain ke Khuda nahin Kise neend aati hai aye sanam tere taaq-e abroo ki yaad mein Kabhi ashna-e teh-e baghal sar-e murgh-e qibla-numa nahin Ajab us ka kya na samaoon main jo khayal-e dushman o dost hai Woh maqam hoon ke guzar nahin woh makan hoon ke pata nahin Yeh khilaf ho gaya aasman yeh hawa zamana ki phir gayi Kahin gul khule bhi to boond se kahin husn hai to wafa nahin Maraz-e judai-e yaar ne yeh bigaad di hai hamari kho Ke muwafiq apne mizaj ke nazar aati koi dawa nahin Mujhe za'faraan se zard tar gham-e hijr-e yaar ne kar diya Nahin aisa koi zamana mein mere haal par jo hansa nahin Mere aage us ko farogh ho yeh majal kya hai raqeeb ki Yeh hujoom-e jalwa-e yaar hai ke charagh-e khana ko ja nahin Chalein go ke saikDon aandhiyan jalein garchi lakh ghar aye falak BhaDak uthe Atishؔ-e toor phir koi is tarah ki dawa nahin