منتظر تھا وہ تو جست و جو میں یہ آوارہ تھا
منتظر تھا وہ تو جست و جو میں یہ آوارہ تھا شیفتہ تیرا ہی تھا جو ثابت و سیارہ تھا ہے جو حسرت تو سراپا چشم ہونے کی ہمیں حاصل اس آئینہ خانہ میں فقط نظارہ تھا جب شب مہ میں چکور اڑتا ہے مر جاتے ہیں ہم پتلیوں کا اپنی بھی تارہ کوئی رخسارہ تھا کھول کر دل جب میں روتا تھا فراق یار میں چشم تر منبع تھی ہر موئے مژہ فوارہ تھا سیل گریہ نے یہ کس کے دی سمندر کو شکست جو حباب آیا نظر اک واژگوں نقارا تھا ایک شب تو وصل جاناں کی تواضع اے فلک چار دن مہمان تیرے گھر میں میں بے چارہ تھا روز و شب کے حال کا لکھتا تھا پرچہ روز و شب کاتب اعمال میری ڈیوڑھی کا ہرکارہ تھا پیٹنا سر اپنے ماتم میں عزیزو یار کا قلعۂ کنج لحد کی فتح کا نقارا تھا عہد طفلی سے جنون عشق کامل ہے شفیق شاخ نخل بید مجنوں سے مرا گہوارہ تھا جان شیریں مزد جوئے شیر میں تیشہ کو دی حوصلہ سے اپنے باہر کوہ کن بے چارا تھا حالت دل کو بیاں کرتا کسی سے میں تو کیا عشق میں اک مصحف رخسار کے سیپارہ تھا یہ ہوا ظاہر انا لیلیٔ مجنوں سے ہمیں اپنا دیوانہ تھا اپنے واسطے آوارہ تھا حال اپنا اے صنم اپنی جدائی میں نہ پوچھ سینہ و سر تھا ہمارا اور سنگ خارا تھا کوچۂ قاتل میں جب شوق شہادت لے گیا سر نہ تھا گردن پر اپنے بار صد پشتارہ تھا لوٹتا تھا اس میں بد خوئی سے میں مانند اشک شوخیٔ طفلان سے جنباں مرا گہوارہ تھا شان عشق اولیٰ ہے مجنوں دودمان عشق سے نا خلف نا قابل و نا لائق و ناکارا تھا اہل عالم سے ہمیشہ آتشؔ ایذائیں ہوئیں مردم دنیا نمک تھے میں دل صد پارہ تھا
English rendering
Muntazir tha woh toh just-o-joo mein yeh awarah tha Shaifta tera hi tha jo saabit-o-sayyarah tha Hai jo hasrat toh sarapa chashm hone ki hamein Haasil is aaina khana mein faqat nazara tha Jab shab-e-mah mein chakoora udta hai mar jaate hain hum Putliyon ka apni bhi taara koi rukhsaara tha Khol kar dil jab main rota tha firaq-e-yaar mein Chashm-e-tar manba'a thi har moo-e-mizhgan fawwara tha Sail-e-girya ne yeh kis ke di samundar ko shikast Jo habab aaya nazar ik waazhgoon naqqara tha Ek shab toh vasl-e-jaanan ki tawaz'a aye falak Chaar din mehmaan tere ghar mein main bechara tha Roz-o-shab ke haal ka likhta tha parcha roz-o-shab Kaatib-e-aamaal meri deodhi ka harkaara tha Peetana sar apne maatam mein azeez-o-yaar ka Qila-e-kunj-e-lahad ki fateh ka naqqara tha Ahd-e-tifli se junoon-e-ishq kamil hai Shafeeq Shaakh-e-nakhle-baid-e-majnoon se mera gahwara tha Jaan-e-shireen mazd-e-joo-e-sheer mein tesha ko di Hausla se apne bahar kohkan bechara tha Haalat-e-dil ko bayan karta kisi se main toh kya Ishq mein ik mushaf-e-rukhsaar ke sipara tha Yeh hua zahir ana Laila-e-Majnoon se hamein Apna deewana tha apne waaste awarah tha Haal apna aye sanam apni judai mein na poochh Seena-o-sar tha hamara aur sang-e-khara tha Koocha-e-qatil mein jab shauq-e-shahadat le gaya Sar na tha gardan par apne baar-e-sad pushtara tha Lootta tha is mein bad-khoi se main manind-e-ashk Shaukhi-e-tiflan se junbaan mera gahwara tha Shaan-e-ishq aula hai Majnoon doodmaan-e-ishq se Na khalaf na qabil-o-na laiq-o-nakaara tha Ahle-e-alam se hamesha Atish aizaayein hueen Mardum-e-dunya namak the main dil-e-sad paara tha