نا فہمی اپنی پردہ ہے دیدار کے لیے
نا فہمی اپنی پردہ ہے دیدار کے لیے ورنہ کوئی نقاب نہیں یار کے لیے نور تجلی ہے ترے رخسار کے لیے آنکھیں مری کلیم ہیں دیدار کے لیے فدیے بہت اس ابروئے خم دار کے لیے چو رنگ کی کمی نہیں تلوار کے لیے قول اپنا ہے یہ سبحہ و زنار کے لیے دو پھندے ہیں یہ کافر و دیں دار کے لیے لطف چمن ہے بلبل گل زار کے لیے کیفیت شراب ہے مے خوار کے لیے سیری نہ ہوگی تشنۂ دیدار کے لیے پانی نہیں چہ ذقن یار کے لیے اتنی ہی ہے نمود مری یار کے لیے شہرہ ہے جس قدر مرے اشعار کے لیے دشت عدم سے آتے ہیں باغ جہاں میں ہم بے داغ لالہ و گل بے خار کے لیے شمشاد اپنے طرے کو بیچے تو لیجئے اس لالہ رو کی لپٹتی دستار کے لیے دو آنکھیں چہرے پر نہیں تیرے فقیر کے دو ٹھیکرے ہیں بھیک کے دیدار کے لیے سرمہ لگایا کیجیے آنکھوں میں مہرباں اکسیر یہ سفوف ہے بیمار کے لیے حلقے میں زلف یار کی موتی پروئیے دنداں ضرور ہیں دہن مار کے لیے گفت و شنید میں ہوں بسر دن بہار کے گل کے لیے ہے گوش زباں خار کے لیے بے یار سر پٹکنے سے ہلتا ہے گھر مرا رہتا ہے زلزلہ در و دیوار کے لیے بیٹھا جو اس کے سائے میں دیوانہ ہو گیا سایہ پری کا ہے تری دیوار کے لیے بلبل ہی کو بہار کے جانے کا غم نہیں ہر برگ ہاتھ ملتا ہے گل زار کے لیے اے شاہ حسن زلف و رخ و گوش چشم و لب کیا کیا علاقے ہیں تری سرکار کے لیے چال ابر کی چلا جو گلستاں میں جھوم کر طاؤس نے قدم ترے رہوار کے لیے آیا جو دیکھنے ترے حسن و جمال کو پکڑا گیا وہ عشق کی بیگار کے لیے حاجت نہیں بناؤ کی اے نازنیں تجھے زیور ہے سادگی ترے رخسار کے لیے بیمار تندرست ہو دیکھے جو روئے یار کیا چاشنی ہے شربت دیدار کے لیے اس بادشاہ حسن کی منزل میں چاہئے بال ہما کی پر چھتی دیوار کے لیے سودائے زلف یار میں کافر ہوا ہوں میں سنبل کے تار چاہئیں زنار کے لیے زنجیر و طوق جو کہ ہے بازار دہر میں سودا ہے اس پری کے خریدار کے لیے چونا بنیں گے بعد فنا اپنے استخواں دولت سرائے یار کی دیوار کے لیے معشوق کی زباں سے ہے دشنام دل پذیر شیرینی زہر ہے تری گفتار کے لیے جاں سے عزیز تر ہے مرے دل کو داغ عشق مہتاب لحد کی شب تار کے لیے وہ مست خواب چشم ہے کوئی بلائے بد کیا مرتبہ ہے فتنۂ بیدار کے لیے خلوت سے انجمن کا کہاں یار کو دماغ وہ جنس بے بہا نہیں بازار کے لیے پہنا ہے جب سے تو نے شب ماہ میں اسے کیا کیا شگوفے پھولتے ہیں ہار کے لیے چھکڑا ہوئے ہیں سوچ کے راہ وفا میں پاؤں پہیے لگائیے انہیں رفتار کے لیے جو مشتری ہے بندہ ہے اس خوش جمال کا یوسف بنے غلام خریدار کے لیے سونے کے پتے ہوویں ہر اک گل کے کان میں مقدور ہو جو بلبل گل زار کے لیے گل ہائے زخم سے ہوں شہادت طلب نہال توفیق خیر ہو تری تلوار کے لیے اندھیر ہے جو دم کی نہ اس کے ہو روشنی یوسف مرا چراغ ہے بازار کے لیے احساں جو ابتدا سے ہے آتش وہی ہے آج کچھ انتہا نہیں کرم یار کے لیے
English rendering
Na fehmi apni parda hai deedar ke liye Warna koi naqab nahin yaar ke liye Noor-e-tajalli hai tere rukhsar ke liye Aankhen meri Kaleem hain deedar ke liye Fidwi bahut us abroo-e-kham-dar ke liye Cho rang ki kami nahin talwar ke liye Qaul apna hai yeh sabha o zunnar ke liye Do phande hain yeh kafir o deen-dar ke liye Lutf-e-chaman hai bulbul gulzar ke liye Kaifiyat-e-sharab hai mai khwar ke liye Seeri na hogi tishna deedar ke liye Pani nahin chah-e-zaqan-e-yaar ke liye Itni hi hai namood meri yaar ke liye Shuhra hai jis qadar mere ash'ar ke liye Dasht-e-adam se aate hain bagh-e-jahan mein hum Be daagh lala o gul-e-be-khar ke liye Shamshad apne tare ko beche to leejiye Us lala ru ki lipatti dastar ke liye Do aankhen chehre par nahin tere faqeer ke Do theekre hain bheek ke deedar ke liye Surma lagaya keejiye aankhon mein mehrban Iksir yeh safuf hai beemar ke liye Halqe mein zulf-e-yaar ki moti proiye Dandaan zaroor hain dahan-e-maar ke liye Guft-o-shuneed mein hon basar din bahar ke Gul ke liye hai gosh zaban khar ke liye Be yaar sar patakne se hilta hai ghar mera Rehta hai zalzala dar o deewar ke liye Baitha jo us ke saaye mein deewanah ho gaya Saya pari ka hai teri deewar ke liye Bulbul hi ko bahar ke jaane ka gham nahin Har barg haath milta hai gulzar ke liye Ae Shah-e-husn zulf o rukh o gosh chashm o lab Kya kya ilaqe hain teri Sarkar ke liye Chaal abr ki chala jo gulistaan mein jhoom kar Taus ne qadam tere rahwar ke liye Aya jo dekhne tere husn o jamal ko Pakda gaya woh ishq ki begaar ke liye Hajat nahin banao ki ae nazneen tujhe Zewar hai saadgi tere rukhsar ke liye Beemar tandurust ho dekhe jo ruy-e-yaar Kya chashni hai sharbat-e-deedar ke liye Us badshah-e-husn ki manzil mein chahiye Baal huma ki par chhat-ti deewar ke liye Sauda-e-zulf-e-yaar mein kafir hua hon main Sunbal ke taar chahiye zunnar ke liye Zanjeer o tauq jo keh hai bazaar-e-dahar mein Sauda hai us pari ke kharidar ke liye Choona banenge baad-e-fana apne astukhwan Daulat sarai-e-yaar ki deewar ke liye Maashooq ki zaban se hai dushnaam dil pazeer Shireeni zehar hai teri guftar ke liye Jaan se aziz-tar hai mere dil ko daagh-e-ishq Mehtab lahad ki shab-e-tar ke liye Woh mast-e-khwab chashm hai koi balay-e-bad Kya martaba hai fitna-e-bedar ke liye Khalwat se anjuman ka kahan yaar ko dimagh Woh jins-e-be-baha nahin bazaar ke liye Pahna hai jab se tu ne shab-e-mah mein use Kya kya shagoofe phoolte hain haar ke liye Chhukde hue hain soch ke rah-e-wafa mein paon Pahiye lagaiye inhen raftaar ke liye Jo mushtari hai banda hai us khush jamal ka Yusuf bane ghulam kharidar ke liye Sone ke patte hoven har ek gul ke kaan mein Maqdoor ho jo bulbul-e-gulzar ke liye Gulhai-e-zakhm se hon shahadat talab nehaal Taufeeq-e-khair ho teri talwar ke liye Andher hai jo dam ki na us ke ho roshni Yusuf mera chiragh hai bazaar ke liye Ehsaan jo ibtida se hai Atash wohi hai aaj Kuchh intiha nahin karam-e-yaar ke liye