حیدر علی آتش

English rendering

Naaz o adaa hai tujh se dil-e-aaraam ke liye Yeh jaama qat'a hai tere andaam ke liye Wehshat mein Ka'be ko jo gaya koo-e-yaar se Likte junoon ne jaama-e-ehraam ke liye Aashiq houn har tarah se gunahgaar houn tera Haajat-e-qusoor ki nahin ilzaam ke liye Kya kya jape gi kaisa rate gi zabaan use Tasbeeh hum ne li hai tere naam ke liye Tifli ke girya ka ye khula haal waqt-e-marg Aaghaaz hi mein rote the anjaam ke liye Achha nahin muqabla is chashm-e-shokh se Ik din shikast-e-faash hai baadaam ke liye Woh naunehaal aaye ilahi muraad par Haasil ho pukhtagi samar-e-khaam ke liye Har chand apna naama-e-asiyaan siyah ho Hoga safed subh hai har shaam ke liye Naamard aur mard mein itna hi farq hai Woh naan ke liye mare ye naam ke liye Misl-e-kamand apni rasaai hui agar Aye qasr-e-yaar bose lab-e-baam ke liye Kya chashm-e-mast-e-yaar se tashbeeh deejiye Kaifiyat-e-nigah nahin jaam ke liye Rakhwa ke zulfein yaar ne laakhon hi murgh-e-dil Paida kiye hain kashmakash-e-daam ke liye Dil mein siwaa-e-yaar jagah ho na ghair ki Khalwat-sara-e-khaas nahin aam ke liye Jaata hai behr-e-ghusl jo aye khush-dimaagh tu Jalta hai ood garmi-e-hamaam ke liye Atish jo chahe paaye tawakkul ke mahkame Jo subh ko mile na rahe shaam ke liye