پیمبر میں نہیں عاشق ہوں جانی
پیمبر میں نہیں عاشق ہوں جانی رہے موسی ہی سے یہ لن ترانی سلیماں ہم ہیں اے محبوب جانی سمجھتے ہیں تجھے بلقیس ثانی کھلا سودے میں ان زلفوں کے مر کر پریشاں خواب تھی یہ زندگانی یہ کیوں آتا ہے ان سے قد کشی کو گڑی جاتی ہے سرو بوستانی وہی دے گا کباب نرگسی بھی جو دیتا ہے شراب ارغوانی رنگا ہے عشق نے کس درد سر سے ہمارا جامۂ تن زعفرانی مسافر کی طرح رہ خانہ بر دوش نہیں جائے اقامت دار فانی ترے کوچہ کے مشتاقوں کے آگے جہنم ہے بہشت آسمانی وہ میکش ہوں دیا ہے قابلہ نے جسے غسل شراب ارغوانی یقیں ہے دیدۂ باریک بیں کو کرے عینک طلب یہ ناتوانی وہ خط ہے یادگار حسن رفتہ وہ سبزہ ہے گلستاں کی نشانی نکلتی منہ سے قاصد کے نہیں بات مگر لایا ہے پیغام زبانی یہ مشت خاک ہو مقبول درگاہ صبا کی چاہتا ہوں مہربانی لئے ہیں بوسۂ رخسارۂ صاف پیا ہے ہم نے آئینہ کا پانی سفیدی مو کی ہو کافور ہر چند کوئی مٹتا ہے یہ داغ جوانی نہ خوش ہو فربہی تن سے غافل سبک کرتی ہے مردے کو گرانی موے جو پیشتر مرنے سے وہ لوگ کفن سمجھے قبائے زندگانی جلاتی ہے دل آتشؔ طور کی طرح کسی پردہ نشیں کی لن ترانی
English rendering
Paiambar mein nahin āshiq huñ jaani Rahe Musa hi se ye 'lan tarāni' Sulaimān ham hi hain ae mahboob-e-jaani Samajhte hain tujhe Bilqīs-e-sāni Khulā saude mein un zulfoñ ke mar kar Pareshāñ khwab thi ye zindagāni Ye kyuñ aata hai un se qad-kashī ko GaRi jaati hai sarv-e-bostāni Wohi dega kabāb nargisi bhi Jo deta hai sharāb-e-arghawāni Ranga hai ishq ne kis dard-e-sar se Hamārā jāma-e-tan za'farāni Musāfir ki tarah rah-e-khāna ba-dosh Nahin jaa-e-iqāmat dār-e-fāni Tere koocha ke mushtāqoñ ke aage Jahannam hai bahisht-e-āsmāni Wo mai-kash huñ diyā hai qābilah ne Jise ghusl sharāb-e-arghawāni Yaqeeñ hai deeda-e-bārīk-beeñ ko Kare ainak talab ye nā-tawāni Wo khat hai yādgār-e-husn-e-rafta Wo sabza hai gulistāñ ki nishāni Nikalti muñh se qāsid ke nahin baat Magar lāya hai paiġhām-e-zabāni Ye musht-e-khāk ho maqbool-e-dargāh Sabā ki chāhta huñ mehrbāni Liye hain bosa-e-rukhsāra-e-sāf Piyā hai ham ne ā'eena ka paani Safēdī moo ki ho kāfoor har chand Koi mit-ta hai ye daagh-e-jawāni Na khush ho farbahī tan se ghāfil Subuk karti hai murde ko garāni Mue jo peshtar marne se wo log Kafan samjhe qabā-e-zindagāni Jalāti hai dil Atish! Toor ki tarah Kisi parda-nashīñ ki 'lan tarāni'