قدرت حق ہے صباحت سے تماشا ہے وہ رخ
قدرت حق ہے صباحت سے تماشا ہے وہ رخ خال مشکیں دل فرعوں ید بیضا ہے وہ رخ نور جو اس میں ہے خورشید میں وہ نور کہاں یہ اگر حسن کا چشمہ ہے تو دریا ہے وہ رخ پھوٹے وہ آنکھ جو دیکھے نگہ بد سے اسے آئینہ سے دل عارف کے مصفا ہے وہ رخ بزم عالم ہے توجہ سے اسی کے آباد شہر ویراں ہے اگر جانب صحرا ہے وہ رخ سامری چشم فسوں گر کی فسوں سازی سے لب جاں بخش کے ہونے سے مسیحا ہے وہ رخ دم نظارہ لڑے مرتے ہیں عاشق اس پر دولت حسن کے پیش آنے سے دنیا ہے وہ رخ سایہ کرتے ہیں ہما اڑ کے پروں سے اپنے تیرے رخسار سے دلچسپ ہو عنقا ہے وہ رخ گل غلط لالہ غلط مہر غلط ماہ غلط کوئی ثانی نہیں لا ثانی ہے یکتا ہے وہ رخ کون سا اس میں تکلف نہیں پاتے ہر چند نہ مرصع نہ مذہب نہ مطلا ہے وہ رخ خال ہندو ہیں پرستش کے لیے آئے ہیں پتلیاں آنکھوں کی دو بت ہیں کلیسا ہے وہ رخ کون سا دل ہے جو دیوانہ نہیں ہے اس کا خط شب رنگ سے سرمایۂ سودا ہے وہ رخ اس کے دیدار کی کیوں کر نہ ہوں آنکھیں مشتاق دل ربا شے ہے عجب صورت زیبا ہے وہ رخ تا کجا شرح کروں حسن کے اس کے آتشؔ مہر ہے ماہ ہے جو کچھ ہے تماشا ہے وہ رخ
English rendering
Qudrat-e Haq hai sabahat se tamasha hai woh rukh Khaal-e mushkeen dil-e fir'aun yad-e baiza hai woh rukh Noor jo us mein hai khursheed mein woh noor kahan Yeh agar husn ka chashma hai to darya hai woh rukh Phoote woh aankh jo dekhe nigah-e bad se use Aaina se dil-e arif ke musaffa hai woh rukh Bazm-e alam hai tawajjuh se usi ke abad Shahr-e veeran hai agar jaanib-e sahra hai woh rukh Samri-chashm-e fasoon-gar ki fasoon-saazi se Lab-e jaan-bakhsh ke hone se maseeha hai woh rukh Dam-e nazara laDe marte hain ashiq us par Daulat-e husn ke pesh aane se duniya hai woh rukh Saya karte hain huma uD ke paron se apne Tere rukhsaar se dilchasp ho anqa hai woh rukh Gul ghalat lala ghalat mehr ghalat mah ghalat Koi saani nahin la-saani hai yakta hai woh rukh Kaun sa us mein takalluf nahin pate har chand Na murassa na mazhab na mutalla hai woh rukh Khaal-e hindu hain parastish ke liye aaye hain Putliyan aankhon ki do but hain kaleesa hai woh rukh Kaun sa dil hai jo deevana nahin hai us ka Khat-e shab-rang se sarmaya-e sauda hai woh rukh Us ke didar ki kyun kar na hoon aankhein mushtaq Dil-ruba shai hai ajab surat-e zeba hai woh rukh Ta kuja sharh karoon husn ke us ke Atishؔ Mehr hai mah hai jo kuchh hai tamasha hai woh rukh