رفتگاں کا بھی خیال اے اہل عالم کیجیے
رفتگاں کا بھی خیال اے اہل عالم کیجیے عالم ارواح سے صحبت کوئی دم کیجیے حالت غم کو نہ بھولا چاہئے شادی میں بھی خندۂ گل دیکھ کر یاد اشک شبنم کیجیے عیب الفت روز اول سے مری طینت میں ہے داغ لالہ کے لیے کیا فکر مرہم کیجیے اپنی راحت کے لیے کس کو گوارا ہے یہ رنج گھر بنا کر گردن محراب کو خم کیجیے عشق کہتا ہے مجھے رام اس بت وحشی کو کر حسن کی غیرت اسے سمجھاتی ہے رم کیجیے رات صحبت گل سے دن کو ہم بغل خورشید سے رشک اگر کیجے تو رشک بخت شبنم کیجیے دیدہ و دل کو دکھایا چاہئے دیدار یار حسن کے عالم سے آئینوں کو محرم کیجیے شکل گل ہنس ہنس کے روز وصل کاٹے ہیں بہت ہجر کی شب صبح رو کر مثل شبنم کیجیے تھی سزا اپنی جو شادی مرگ قسمت نے کیا ہجر میں کس نے کہا تھا وصل کا غم کیجیے آپ کی نازک کمر پر بوجھ پڑتا ہے بہت بڑھ چلے ہیں حد سے گیسو کچھ انہیں کم کیجیے اٹھ گئی ہیں سامنے سے کیسی کیسی صورتیں روئیے کس کے لیے کس کس کا ماتم کیجیے روز مردم شب کیے دیتا ہے سرمہ پوچھیے خون ہوتے ہیں بہت شوق حنا کم کیجیے آئنے کو روبرو آنے نہ دیجے یار کے شانے سے آتشؔ مزاج زلف برہم کیجیے
English rendering
Raftagaan ka bhi khayal ae ahl-e-aalam keejiye Aalam-e-arwah se sohbat koi dam keejiye Halat-e-gham ko na bhoola chahiye shaadi mein bhi Khanda-e-gul dekh kar yaad-e-ashk-e-shabnam keejiye Ayeb-e-ulfat roz-e-awwal se meri teenat mein hai Daagh-e-lala ke liye kya fikr-e-marham keejiye Apni rahat ke liye kis ko gawara hai yeh ranj Ghar bana kar gardan-e-mehrab ko kham keejiye Ishq kehta hai mujhe ram us but-e-wahshi ko kar Husn ki ghairat use samjhati hai ram keejiye Raat sohbat gul se din ko hum baghal khursheed se Rashk agar keejiye to rashk-e-bakht-e-shabnam keejiye Deeda o dil ko dikhaya chahiye deedar-e-yaar Husn ke aalam se aainon ko mahram keejiye Shakl-e-gul hans hans ke roz-e-wasl kaate hain bahut Hijr ki shab subh ru kar misl-e-shabnam keejiye Thi saza apni jo shaadi marg qismat ne kiya Hijr mein kis ne kaha tha wasl ka gham keejiye Aap ki nazuk kamar par bojh padta hai bahut Badh chale hain had se gesu kuchh inhen kam keejiye Uth gai hain saamne se kaisi kaisi suraten Roiye kis ke liye kis kis ka maatam keejiye Roz mardum shab kiye deta hai surma poochhiye Khoon hote hain bahut shauq-e-hina kam keejiye Aaine ko rubaru aane na deejiye yaar ke Shane se Atash mizaj-e-zulf barham keejiye