روز مولود سے ساتھ اپنے ہوا غم پیدا
روز مولود سے ساتھ اپنے ہوا غم پیدا لالہ ساں داغ اٹھانے کو ہوئے ہم پیدا ہوں میں وہ نخل کہ ہر شاخ مری آرا ہے ہوں میں وہ شاخ کہ ہوں برگ تبردم پیدا میں جو روتا ہوں مرے زخم جگر ہنستے ہیں شادی و غم سے کیا ہے مجھ توام پیدا چاہنے والے ہزاروں نئے موجود ہوئے خط نے اس گل کے کیا اور ہی عالم پیدا درد سر میں ہو کسی کے تو مرے دل میں ہو درد واسطے میرے ہوا ہے غم عالم پیدا زخم خنداں ہیں بعینہ لب خنداں اپنے شادمانی میں ہے یاں حالت ماتم پیدا آسماں شوق سے تلواروں کا مینہ برسا دے مہ نو نے ترے ابرو کا کیا خم پیدا کام اپنا نہ ہوا جب کجیٔ ابرو سے گیسوئے یار ہوئے درہم و برہم پیدا شبہ ہوتا ہے صدف کا مجھے ہر غنچے پر کہیں موتی نہ کریں قطرۂ شبنم پیدا چپ رہو دور کرو منہ نہ مرا کھلواؤ غافلو زخم زباں کا نہیں مرہم پیدا قلزم فکر میں ہر چند لگائے غوطے در مضموں کوئی یاروں سے ہوا کم پیدا دوست ہی دشمن جاں ہو گیا اپنا آتشؔ نوش داروں نے کیا یاں اثر سم پیدا
English rendering
Roz mawlood se saath apne hua gham paida Lala sa dāgh uṭhāne ko hue hum paida Hoon main woh nakhl ki har shakh meri ārā hai Hoon main woh shakh ki hoon barg-e-tabarrum paida Main jo rota hoon mere zakhm-e-jigar hanste hain Shadi-o-gham se kya hai mujhe taw'am paida Chahne wale hazaaron naye maujood hue Khat ne us gul ke kiya aur hi alam paida Dard sar mein ho kisi ke to mere dil mein ho dard Waste mere hua hai gham-e-alam paida Zakhm-e-khandan hain ba'aina lab-e-khandan apne Shadamani mein hai yaan halat-e-matam paida Aasman shauq se talwaron ka menh barsa de Mah-e-nau ne tere abroo ka kiya kham paida Kaam apna na hua jab kajji-e-abroo se Gesu-e-yar hue darham-o-barham paida Shubah hota hai sadaf ka mujhe har ghunche par Kahin moti na karen qatra-e-shabnam paida Chup raho, door karo, munh na mera khulwao Ghaflo zakhm-e-zaban ka nahin marham paida Qulzum-e-fikr mein har chand lagaye ghote Durr-e-mazmoon koi yaron se hua kam paida Dost hi dushman-e-jaan ho gaya apna Atish Noshdaroon ne kiya yaan asar-e-sam paida