سبزہ بالائے ذقن دشمن ہے خلق اللہ کا
سبزہ بالائے ذقن دشمن ہے خلق اللہ کا رہروؤں کی موت ہے خس پوش ہونا چاہ کا مل بٹھانا ہے فلک منظور کس دل خواہ کا برج میزان میں نہیں بے وجہ آنا ماہ کا بس کہ پھرتا ہے خیال آنکھوں میں اس دل خواہ کا رنگ رو کے اڑنے میں عالم ہے گرد راہ کا صفحۂ دل سے اٹھاؤں کس طرح نقش صنم ملک میں ہوتا کسی کے گھر نہیں اللہ کا کم بضاعت سے خیال خام ہے کثرت کو فیض اکتفا کرتا نہیں لشکر کو پانی چاہ کا راہ ہستی میں ہے رخسار صنم سے زندگی تازہ دم کرتا مسافر کو ہے تکیہ راہ کا لاش بھی گلیوں میں کھنچوا کر کیا ہے قتل یار طول ہی دینا مزا ہے قصۂ کوتاہ کا پست فطرت سے سوائے رنج کچھ حاصل نہیں پا بہ گل کشتی کو کر دیتا ہے پانی تھاہ کا چھوڑ کر عشق صنم زاہد نہ ہو مفتون حور کب یقیں لاتا ہے دانا دور کی افواہ کا دل کو ابروئے صنم کا شیفتہ کرتی ہے آنکھ درس دیتا ہے معلم پہلے بسم اللہ کا اے صنم بندہ نوازی ہے صفت اللہ کی حیف ہے خالی پھرے سائل تری درگاہ کا مائل معشوقۂ خسرو نہ ہو اے کوہ کن شیر کے جھوٹے کو کھانا کام ہے روباہ کا جوش اشک آتشیں کا باعث آہ سرد ہے گرم کرتی ہے ہوا جاڑے کی پانی چاہ کا نزع میں آیا نہ بالیں پر مرے یار اس لیے آخر ہر ماہ ہے معمول چھپنا ماہ کا ہوں وہ ابتر طفل جس کو جان کھونا کھیل ہے کنج مرقد ہے گھروندا میری بازی گاہ کا آسماں روئے زمیں ہے یار ماہ چار دہ حلقۂ احباب گرد اس کے ہے ہالہ ماہ کا وہ دہن ہے چشمۂ شیریں تبسم موج ہے وہ ذقن ہے چاہ خال اس میں توا ہے چاہ کا ناتواں میری طرح سے ہے جو عشق حسن سے کوہ سے بھاری ترازو میں ہو پلہ کاہ کا شعر کہتا ہوں میں اے آتشؔ خدا کی حمد میں میری ہر اک بیت پر عالم ہے بیت اللہ کا
English rendering
Sabza baala-e-zaqan dushman hai khalq-e-Allah ka Rahrauon ki maut hai khas-posh hona chaah ka Mil bithana hai falak manzoor kis dil-khwah ka Burj-e-Mizaan mein nahin be wajah aana maah ka Bas ke phirta hai khayal aankhon mein us dil-khwah ka Rang ro ke udne mein aalam hai gard-e-raah ka Safha-e-dil se uthaaun kis tarah naqsh-e-sanam Mulk mein hota kisi ke ghar nahin Allah ka Kam biza'at se khayal-e-khaam hai kasrat ko faiz Ikhtifa karta nahin lashkar ko paani chaah ka Raah-e-hasti mein hai rukhsaar-e-sanam se zindagi Taaza dam karta musaafir ko hai takiya raah ka Laash bhi galiyon mein khinchwa kar kya hai qatl-e-yaar Tool hi dena maza hai qissa-e-kotaah ka Past fitrat se siwaa-e-ranj kuch haasil nahin Paa ba gil kashti ko kar deta hai paani thaah ka Chhod kar ishq-e-sanam zaahid na ho maftoon-e-hoor Kab yaqeen laata hai daana door ki afwaah ka Dil ko abroo-e-sanam ka shaifta karti hai aankh Dars deta hai mu'allim pehle bismillah ka Aye sanam banda-nawazi hai sifat-e-Allah ki Haif hai khaali phire sa'il teri dargah ka Maa'il-e-mashooqa-e-Khusrau na ho aye Kohkan Sheer ke jhoote ko khaana kaam hai roobaah ka Josh-e-ashk-e-aatishin ka ba'is aah-e-sard hai Garm karti hai hava jaade ki paani chaah ka Naz'a mein aaya na baalin par mere yaar is liye Aakhir har maah hai ma'mool chhupna maah ka Houn woh abtar tifl jis ko jaan khona khel hai Kunj-e-marqad hai gharaunda meri baazi-gaah ka Aasmaan roo-e-zameen hai yaar maah-e-chaar dah Halqa-e-ahbaab gard us ke hai haala maah ka Woh dahan hai chashma-e-shireen tabassum mauj hai Woh zaqan hai chaah khaal is mein tawa hai chaah ka Naatavaan meri tarah se hai jo ishq-e-husn se Koh se bhaari taraazu mein ho palla kaah ka She'r kehta houn main aye Atish Khuda ki hamd mein Meri har ik bayt par aalam hai Baitullah ka