شب وصل تھی چاندنی کا سماں تھا
شب وصل تھی چاندنی کا سماں تھا بغل میں صنم تھا خدا مہرباں تھا مبارک شب قدر سے بھی وہ شب تھی سحر تک مہ و مشتری کا قراں تھا وہ شب تھی کہ تھی روشنی جس میں دن کی زمیں پر سے اک نور تا آسماں تھا نکالے تھے دو چاند اس نے مقابل وہ شب صبح جنت کا جس پر گماں تھا عروسی کی شب کی حلاوت تھی حاصل فرح ناک تھی روح دل شادماں تھا مشاہد جمال پری کی تھی آنکھیں مکان وصال اک طلسمی مکاں تھا حضوری نگاہوں کو دیدار سے تھی کھلا تھا وہ پردہ کہ جو درمیاں تھا کیا تھا اسے بوسہ بازی نے پیدا کمر کی طرح سے جو غائب دہاں تھا حقیقت دکھاتا تھا عشق مجازی نہاں جس کو سمجھے ہوئے تھے عیاں تھا بیاں خواب کی طرح جو کر رہا ہے یہ قصہ ہے جب کا کہ آتشؔ جواں تھا
English rendering
Shab-e-wasl thi chandni ka samaan tha Baghal mein sanam tha khuda meherban tha Mubarak shab-e-qadr se bhi wo shab thi Sahar tak mah-o-mushtari ka qiraan tha Wo shab thi ke thi roshni jis mein din ki Zameen par se ek noor ta asmaan tha Nikale the do chand us ne muqabil Wo shab subh-e-jannat ka jis par gumaan tha Uroosi ki shab ki halawat thi hasil Farah-nak thi rooh dil shadman tha Mushahid-e-jamal-e-pari ki thi aankhein Makan-e-visal ek tilismi makan tha Hazoori nigahon ko deedar se thi Khula tha wo parda ke jo darmiyan tha Kiya tha use bosa bazi ne paida Kamar ki tarah se jo ghaib dahan tha Haqeeqat dikhata tha ishq-e-majazi Nihaan jis ko samjhe hue the ayan tha Bayan khwab ki tarah jo kar raha hai Ye qissa hai jab ka ke Atish! jawan tha