شہرۂ آفاق مجھ سا کون سا دیوانہ ہے
شہرۂ آفاق مجھ سا کون سا دیوانہ ہے ہند میں میں ہوں پرستاں میں مرا افسانہ ہے صید گاہ مرغ دل رخسارۂ جانانہ ہے دام زلف عنبریں ہے خال مشکیں دانہ ہے حسن سے رتبہ ہے اپنے عشق کامل کا بلند آستانہ پر پری ہے بام پر دیوانہ ہے اس میں رہتا ہے صفائے روئے جاناں کا خیال دل نہیں پہلو میں اپنے آئینہ کا خانہ ہے بیچتا ہوں دل کو جو محبوب چاہے مول لے بوسہ قیمت ہے توجہ کی نظر بیعانہ ہے پھوٹیں وہ آنکھیں نگاہ بد سے جو دیکھیں تجھے آتشیں رخسار مجمر خال کالا دانہ ہے روز و شب اس شمع رو کو بھیجتا ہوں خط شوق نامہ بر دن کو کبوتر رات کو پروانہ ہے خار خار دل غنیمت جانتا ہوں عشق میں زلف دود آہ کی آراستگی کاشانہ ہے شرح لکھا چاہئے اس کی بیاض صبح پر مطلع خورشید بیت ابرو جانانہ ہے حالت آئینہ رکھتا ہے صفا سے دل مرا آشنا سے آشنا بیگانہ سے بیگانہ ہے قتل سے مجھ سخت جاں کے منکر اے قاتل نہ ہو حجت قاطع تری تلوار کا دندانہ ہے واسطے ہر شے کے دنیا میں مقرر ہیں محل شہر میں جب تک ہے مجنوں گنج بے ویرانہ ہے باغ عالم میں نہیں اس شوخ سا کوئی حسیں گل ہے اپنا یار یوسف سبزۂ بیگانہ ہے اب نہیں اے یار جوبن کو ترے بیم زوال خط مشکیں حسن کی جاگیر کا پروانہ ہے حال ہے جس کا اسی کے واسطے ہے خوش نما نقص ہے تلوار کا وصف ارہ کا دندانہ ہے یار کھینچے تیغ تیرے قتل کرنے کے لیے سر جھکا آتشؔ یہ جائے سجدۂ شکرانہ ہے
English rendering
Shohra-e-aafaaq mujh sa kaun sa deewaana hai Hind mein main hun paristaan mein mera afsaana hai Said-gah-e-murgh-e-dil rukhsaar-e-jaanaana hai Daam-e-zulf-e-anbareen hai khaal-e-mushkeen daana hai Husn se rutba hai apne ishq-e-kaamil ka buland Aastaana par pari hai baam par deewaana hai Is mein rehta hai safa-e-roo-e-jaanan ka khayal Dil nahin pehlu mein apne aayina ka khaana hai Bechta hun dil ko jo mehboob chahe mol le Bosa qeemat hai tawajjuh ki nazar bay'aana hai Phutein woh aankhein nigaah-e-bad se jo dekhein tujhe Aatisheen rukhsaar mujmar khaal-e-kaala daana hai Roz-o-shab is shama-e-roo ko bhejta hun khat-e-shauq Naama-bar din ko kabootar raat ko parwaana hai Khaar-khaar-e-dil ghaneemat jaanta hun ishq mein Zulf-e-dood-e-aah ki aarastagi kaashaana hai Sharh likha chahiye is ki bayaaz-e-subh par Matla-e-khursheed bait-e-abroo-e-jaanaana hai Haalat aayina rakhta hai safa se dil mera Aashna se aashna begaana se begaana hai Qatl se mujh sakht-jaan ke munkir ae qatil na ho Hujjat-e-qaate' teri talwaar ka dandaana hai Waaste har shai ke dunya mein muqarrar hain mahal Shehr mein jab tak hai majnun ganj-e-be-veeraana hai Baagh-e-aalam mein nahin is shokh sa koi haseen Gul hai apna yaar-e-Yusuf sabza begaana hai Ab nahin ae yaar joban ko tere beem-e-zawaal Khat-e-mushkeen husn ki jaageer ka parwaana hai Haal hai jis ka usi ke waaste hai khush-numa Naqs hai talwaar ka wasf aarah ka dandaana hai Yaar kheenche tegh tere qatl karne ke liye Sar jhuka Atish! yeh jaa-e-sajda-e-shukraana hai