صورت سے اس کی بہتر صورت نہیں ہے کوئی
صورت سے اس کی بہتر صورت نہیں ہے کوئی دیدار یار سی بھی دولت نہیں ہے کوئی آنکھوں کو کھول اگر تو دیدار کا ہے بھوکا چودہ طبق سے باہر نعمت نہیں ہے کوئی ثابت ترے دہن کو کیا منطقی کریں گے ایسی دلیل ایسی حجت نہیں ہے کوئی یہ کیا سمجھ کے کڑوے ہوتے ہیں آپ ہم سے پی جائے گا کسی کو شربت نہیں ہے کوئی میں نے کہا کبھی تو تشریف لاؤ بولے معذور رکھیے وقت فرصت نہیں ہے کوئی ہم کیا کہیں کسی سے کیا ہے طریق اپنا مذہب نہیں ہے کوئی ملت نہیں ہے کوئی دل لے کے جان کے بھی سائل جو ہو تو حاضر حاضر جو کچھ ہے اس میں حجت نہیں ہے کوئی ہم شاعروں کا حلقہ حلقہ ہے عارفوں کا نا آشنائے معنی صورت نہیں ہے کوئی دیوانوں سے ہے اپنے یہ قول اس پری کا خاکی و آتشی سے نسبت نہیں ہے کوئی ہژدہ ہزار عالم دم بھر رہا ہے تیرا تجھ کو نہ چاہے ایسی خلقت نہیں ہے کوئی نازاں نہ حسن پر ہو مہماں ہے چار دن کا بے اعتبار ایسی دولت نہیں ہے کوئی جاں سے عزیز دل کو رکھتا ہوں آدمی ہوں کیوں کر کہوں میں مجھ کو حسرت نہیں ہے کوئی یوں بد کہا کرو تم یوں مال کچھ نہ سمجھو ہم سا بھی خیر خواہ دولت نہیں ہے کوئی میں پانچ وقت سجدہ کرتا ہوں اس صنم کو مجھ کو بھی ایسی ویسی خدمت نہیں ہے کوئی ما و شما کہہ و مہ کرتا ہے ذکر تیرا اس داستاں سے خالی صحبت نہیں ہے کوئی شہر بتاں ہے آتشؔ اللہ کو کرو یاد کس کو پکارتے ہو حضرت نہیں ہے کوئی
English rendering
Soorat se us ki behtar soorat nahin hai koi Deedar-e-yar si bhi daulat nahin hai koi Aankhon ko khol agar tu deedar ka hai bhooka Chaudah tabaq se bahar nemat nahin hai koi Sabit tere dahan ko kya mantiqi karenge Aisi daleel aisi hujjat nahin hai koi Yeh kya samajh ke karwe hote hain aap hum se Pi jaayega kisi ko sharbat nahin hai koi Maine kaha kabhi to tashreef lao, bole Maazur rakhiye waqt-e-fursat nahin hai koi Hum kya kahein kisi se kya hai tareeq apna Mazhab nahin hai koi, millat nahin hai koi Dil le ke jaan ke bhi sail jo ho to hazir Hazir jo kuchh hai us mein hujjat nahin hai koi Hum shayaron ka halqa, halqa hai arifon ka Na-ashna-e-maani soorat nahin hai koi Deewanon se hai apne yeh qaul us pari ka Khaki-o-aatishi se nisbat nahin hai koi Hizdah hazar alam dam bhar raha hai tera Tujh ko na chahe aisi khilqat nahin hai koi Nazan na husn par ho, mehman hai char din ka Be-eitibar aisi daulat nahin hai koi Jaan se azeez dil ko rakhta hoon, aadmi hoon Kyun kar kahoon main mujh ko hasrat nahin hai koi Yun bad kaha karo tum, yun mal kuchh na samjho Hum sa bhi khair-khwah daulat nahin hai koi Main panch waqt sajda karta hoon us sanam ko Mujh ko bhi aisi waisi khidmat nahin hai koi Ma-o-shuma keh-o-mah karta hai zikr tera Is dastan se khali sohbat nahin hai koi Shahr-e-butan hai Atish! Allah ko karo yaad Kis ko pukarte ho Hazrat nahin hai koi