سن تو سہی جہاں میں ہے تیرا فسانہ کیا
سن تو سہی جہاں میں ہے تیرا فسانہ کیا کہتی ہے تجھ کو خلق خدا غائبانہ کیا کیا کیا الجھتا ہے تری زلفوں کے تار سے بخیہ طلب ہے سینۂ صد چاک شانہ کیا زیر زمیں سے آتا ہے جو گل سو زر بکف قاروں نے راستے میں لٹایا خزانہ کیا اڑتا ہے شوق راحت منزل سے اسپ عمر مہمیز کہتے ہیں گے کسے تازیانہ کیا زینہ صبا کا ڈھونڈتی ہے اپنی مشت خاک بام بلند یار کا ہے آستانہ کیا چاروں طرف سے صورت جاناں ہو جلوہ گر دل صاف ہو ترا تو ہے آئینہ خانہ کیا صیاد اسیر دام رگ گل ہے عندلیب دکھلا رہا ہے چھپ کے اسے دام و دانہ کیا طبل و علم ہی پاس ہے اپنے نہ ملک و مال ہم سے خلاف ہو کے کرے گا زمانہ کیا آتی ہے کس طرح سے مرے قبض روح کو دیکھوں تو موت ڈھونڈ رہی ہے بہانہ کیا ہوتا ہے زرد سن کے جو نامرد مدعی رستم کی داستاں ہے ہمارا فسانہ کیا ترچھی نگہ سے طائر دل ہو چکا شکار جب تیر کج پڑے تو اڑے گا نشانہ کیا صیاد گل عذار دکھاتا ہے سیر باغ بلبل قفس میں یاد کرے آشیانہ کیا بیتاب ہے کمال ہمارا دل حزیں مہماں سرائے جسم کا ہوگا روانہ کیا یوں مدعی حسد سے نہ دے داد تو نہ دے آتشؔ غزل یہ تو نے کہی عاشقانہ کیا
English rendering
Sun to sahi jahan mein hai tera fasana kya Kahti hai tujh ko khalq-e-khuda ghaibana kya Kya kya ulajhta hai teri zulfon ke taar se Bakhiya talab hai sina sad chaak shana kya Zeer-e-zameen se aata hai jo gul sau zar ba-kaf Qaroon ne raaste mein lutaya khazana kya Udta hai shauq-e-rahat-e-manzil se asb-e-umr Mahmeez kahte hain ge kise taziyana kya Zeena-e-saba ka dhundhti hai apni musht-e-khak Baam-e-buland yaar ka hai aastana kya Charon taraf se soorat-e-jaanana ho jalwa gar Dil saaf ho tera to hai aaina khana kya Sayyad aseer-e-daam-e-rag-e-gul hai andaleeb Dikhla raha hai chhup ke use daam-o-dana kya Tabl-o-alam hi paas hai apne na mulk-o-maal Hum se khilaf ho ke karega zamana kya Aati hai kis tarah se mere qabz-e-rooh ko Dekhoon to maut dhundh rahi hai bahana kya Hota hai zard sun ke jo naamard mudda'i Rustam ki dastaan hai hamara fasana kya Tirchhi nigah se taair-e-dil ho chuka shikar Jab teer kaj pade to udega nishana kya Sayyad gul azhaar dikhata hai sair-e-bagh Bulbul qafas mein yaad kare aashiyana kya Betaab hai Kamal hamara dil-e-hazin Mehman-sarai jism ka hoga rawana kya Yun mudda'i hasad se na de daad to na de Atish! ghazal ye tune kahi aashiqana kya