تار تار پیرہن میں بھر گئی ہے بوئے دوست
تار تار پیرہن میں بھر گئی ہے بوئے دوست مثل تصویر نہالی میں ہوں ہم پہلوئے دوست چہرۂ رنگیں کوئی دیوان رنگیں ہے مگر حسن مطلع ہیں مسیں مطلع ہے صاف ابروئے دوست ہجر کی شب ہو چکی روز قیامت سے دراز دوش سے نیچے نہیں اترے ابھی گیسوئے دوست دور کر دل کی کدورت محو ہو دیدار کا آئنے کو سینہ صافی نے دکھایا روئے دوست واہ رے شانے کی قسمت کس کو یہ معلوم تھا پنجۂ شل سے کھلیں گے عقدہ ہائے موئے دوست داغ دل پر خیر گزری تو غنیمت جانیے دشمن جاں ہیں جو آنکھیں دیکھتی ہیں سوئے دوست دو مریں گے زخم کاری سے تو حسرت سے ہزار چار تلواروں میں شل ہو جائے گا بازوئے دوست فرش گل بستر تھا اپنا خاک پر سوتے ہیں اب خشت زیر سر نہیں یا تکیہ تھا زانوئے دوست یاد کر کے اپنی بربادی کو رو دیتے ہیں ہم جب اڑاتی ہے ہوائے تند خاک کوئے دوست اس بلائے جاں سے آتشؔ دیکھیے کیوں کر بنے دل سوا شیشے سے نازک دل سے نازک خوئے دوست
English rendering
Taar taar pairahan mein bhar gayi hai boo-e dost Misl-e tasveer nihali mein hoon ham-pahloo-e dost Chehra-e rangeen koi deewan-e rangeen hai magar Husn-e matla hain musein matla hai saaf abroo-e dost Hijr ki shab ho chuki roz-e qayamat se daraz Dosh se neeche nahin utre abhi gesoo-e dost Door kar dil ki kudurat mahv ho didar ka Aaine ko seena-safi ne dikhaya roo-e dost Wah re shane ki qismat kis ko yeh maloom tha Panja-e shal se khulein ge uqda-haye moo-e dost Dagh-e dil par khair guzri to ghaneemat jaaniye Dushman-e jaan hain jo aankhein dekhti hain soo-e dost Do marein ge zakhm-e kari se to hasrat se hazar Chaar talwaron mein shal ho jaayega bazoo-e dost Farsh-e gul bistar tha apna khak par sote hain ab Khisht zer-e sar nahin ya takiya tha zanoo-e dost Yaad kar ke apni barbadi ko ro dete hain hum Jab uRati hai hawa-e tund khak-e koo-e dost Is bala-e jaan se Atishؔ dekhiye kyun kar bane Dil siwa sheeshe se nazuk dil se nazuk khoo-e dost