وحشت دل نے کیا ہے وہ بیاباں پیدا
وحشت دل نے کیا ہے وہ بیاباں پیدا سیکڑوں کوس نہیں صورت انساں پیدا سحر وصل کرے گی شب ہجراں پیدا صلب کافر ہی سے ہوتا ہے مسلماں پیدا دل کے آئینے میں کر جوہر پنہاں پیدا در و دیوار سے ہو صورت جاناں پیدا خار دامن سے الجھتے ہیں بہار آئی ہے چاک کرنے کو کیا گل نے گریباں پیدا نسبت اس دست نگاریں سے نہیں کچھ اس کو یہ کلائی تو کرے پنجۂ مرجاں پیدا نشۂ مے میں کھلی دشمنی دوست مجھے آب انگور نے کی آتش پنہاں پیدا باغ سنسان نہ کر ان کو پکڑ کر صیاد بعد مدت ہوئے ہیں مرغ خوش الحاں پیدا اب قدم سے ہے مرے خانۂ زنجیر آباد مجھ کو وحشت نے کیا سلسلہ جنباں پیدا رو کے آنکھوں سے نکالوں میں بخار دل کو کر چکے ابر مژہ بھی کہیں باراں پیدا نعرہ زن کنج شہیداں میں ہو بلبل کی طرح آب آہن نے کیا ہے یہ گلستاں پیدا نقش ان کا نہ کسی لعل سے لب پر بیٹھا میرے منہ میں ہوئے تھے کس لیے دنداں پیدا خوف نا فہمی مردم سے مجھے آتا ہے گاؤ خر ہونے لگے صورت انساں پیدا روح کی طرح سے داخل ہو جو دیوانہ ہے جسم خاکی سمجھ اس کو جو ہو زنداں پیدا بے حجابوں کا مگر شہر ہے اقلیم عدم دیکھتا ہوں جسے ہوتا ہے وہ عریاں پیدا اک گل ایسا نہیں ہووے نہ خزاں جس کی بہار کون سے وقت ہوا تھا یہ گلستاں پیدا موجد اس کی ہے سیہ روزی ہماری آتشؔ ہم نہ ہونے تو نہ ہوتی شب ہجراں پیدا
English rendering
Wahshat-e-dil ne kiya hai woh biyaban paida Saikron kos nahin soorat-e-insan paida Seher-e-vasl karegi shab-e-hijran paida Salb-e-kafir hi se hota hai musalman paida Dil ke aaine mein kar jauhar-e-pinhan paida Dar-o-deewar se ho soorat-e-jaanan paida Khar-e-daman se ulajhte hain bahaar aai hai Chaak karne ko kya gul ne girebaan paida Nisbat is dast-e-nigarin se nahin kuchh is ko Yeh kalayi to kare panja-e-marjan paida Nasha-e-may mein khuli dushmani-e-dost mujhe Aab-e-angoor ne ki atish-e-pinhan paida Bagh sunsan na kar in ko pakad kar sayyad Ba'd-e-muddat hue hain murgh-e-khush-alhan paida Ab qadam se hai mere khana-e-zanjeer aabad Mujh ko wahshat ne kiya silsila-jumban paida Ro ke aankhon se nikaloon main bukhar-e-dil ko Kar chuke abr-e-mizah bhi kahin baran paida Na'ra-zan kunj-e-shaheedan mein ho bulbul ki tarah Aab-e-aahan ne kiya hai yeh gulistan paida Naqsh un ka na kisi laal se lab par baitha Mere munh mein hue the kis liye dandan paida Khauf-e-na-fehmi-e-mardum se mujhe aata hai Gaau-khar hone lage soorat-e-insan paida Rooh ki tarah se dakhil ho jo deewana hai Jism-e-khaki samajh us ko jo ho zindan paida Be-hijabon ka magar shahr hai aqleem-e-adam Dekhta hoon jise hota hai woh uryaan paida Ek gul aisa nahin hove na khizan jis ki bahar Kaun se waqt hua tha yeh gulistan paida Maujad us ki hai siyah-rozi hamari Atish! Hum na hote to na hoti shab-e-hijran paida