وہ نازنیں یہ نزاکت میں کچھ یگانہ ہوا
وہ نازنیں یہ نزاکت میں کچھ یگانہ ہوا جو پہنی پھولوں کی بدھی تو درد شانہ ہوا شہید ناز و ادا کا ترے زمانہ ہوا اڑایا مہندی نے دل چور کا بہانہ ہوا شب اس کے افعئ گیسو کا جو فسانہ ہوا ہوا کچھ ایسی بندھی گل چراغ خانہ ہوا نہ زلف یار کا خاکہ بھی کر سکا مانی ہر ایک بال میں کیا کیا نہ شاخسانہ ہوا تونگروں کو مبارک ہو شمع کافوری قدم سے یار کے روشن غریب خانہ ہوا گناہ گار ہیں محراب تیغ کے ساجد جھکایا سر تو ادا فرض پنجگانہ ہوا غرور عشق زیادہ غرور حسن سے ہے ادھر تو آنکھ بھری دم ادھر روانہ ہوا دکھا دے زاہد مغرور کو بھی اے صنم آنکھ جمال حور کا حد سے سوا فسانہ ہوا بھرا ہے شیشۂ دل کو مئے محبت سے خدا کا گھر تھا جہاں واں شراب خانہ ہوا ہوائے تند نہ چھوڑے مرے غبار کا ساتھ یہ گرد راہ کہاں خاک آستانہ ہوا خدا کے واسطے کر یار چین ابرو دور بڑا ہی عیب لگا جس کماں میں خانہ ہوا ہوا جو دن تو ہوا اس کو پاس رسوائی جو رات آئی تو پھر نیند کا بہانہ ہوا نہ پوچھ حال مرا چوب خشک صحرا ہوں لگا کے آگ مجھے کارواں روانہ ہوا نگاہ ناز بتاں سے نہ چشم رحم بھی رکھ کسی کا یار نہیں فتنۂ زمانہ ہوا اثر کیا تپش دل نے آخر اس کو بھی رقیب سے بھی مرا ذکر غائبانہ ہوا ہوائے تند سے پتا اگر کوئی کھڑکا سمند باد بہاری کا تازیانہ ہوا زبان یار خموشی نے میری کھلوائی میں قفل بن کے کلید در خزانہ ہوا کیا جو یار نے کچھ شغل برق اندازی چراغ زندگیٔ خضر تک نشانہ ہوا رہا ہے چاہ ذقن میں مرا دل وحشی کنوئیں میں جنگلی کبوتر کا آشیانہ ہوا خدا دراز کرے عمر چرخ نیلی کو یہ بے کسوں کے مزاروں کا شامیانہ ہوا نہیں ہے مثل صدف مجھ سا دوسرا کم بخت نصیب غیر مرے منہ کا آب و دانہ ہوا حنائی ہاتھوں سے چوٹی کو کھولتا ہے یار کہاں سے پنجۂ مرجاں حریف شانہ ہوا دکھائی چشم غزالاں نے حلقۂ زنجیر ہمیں تو گوشۂ صحرا بھی قید خانہ ہوا ہمیشہ شام سے ہمسائے مر رہے آتشؔ ہمارا نالۂ دل گوش کو فسانہ ہوا
English rendering
Woh nazneen yeh nazakat mein kuchh yagana hua Jo pehni phoolon ki baddhi to dard-e-shana hua Shaheed-e-naz-o-ada ka tere zamana hua Udaya mehndi ne dil chor ka bahana hua Shab us ke afai-e-gesu ka jo fasana hua Hua kuchh aisi bandhi gul chiragh-e-khana hua Na zulf-e-yar ka khaka bhi kar saka Mani Har ek baal mein kya kya na shakhsana hua Tawan-garon ko mubarak ho shama-e-kafoori Qadam se yar ke roshan ghareeb-khana hua Gunahgar hain mehrab-e-tegh ke sajid Jhukaya sar to ada farz-e-panjganna hua Ghuroor-e-ishq zyada ghuroor-e-husn se hai Idhar to aankh bhari dam, udhar rawana hua Dikha de zahid-e-maghroor ko bhi ae sanam aankh Jamal-e-hoor ka hadd se siwa fasana hua Bhara hai sheesha-e-dil ko may-e-mohabbat se Khuda ka ghar tha jahan wan sharab-khana hua Hawa-e-tund na chhode mere ghubar ka saath Yeh gard-e-raah kahan khak-e-aastana hua Khuda ke waste kar yar chain-e-abroo dur Bada hi aib laga jis kaman mein khana hua Hua jo din to hua us ko paas-e-ruswai Jo raat aai to phir neend ka bahana hua Na poochh haal mera chaub-e-khushk-e-sahra hoon Laga ke aag mujhe karwan rawana hua Nigah-e-naz-e-butan se na chashm-e-rehm bhi rakh Kisi ka yar nahin fitna-e-zamana hua Asar kiya tapish-e-dil ne akhir us ko bhi Raqeeb se bhi mera zikr-e-ghaibana hua Hawa-e-tund se patta agar koi khadkaa Samand-e-bad-e-bahari ka taziyana hua Zaban-e-yar khamoshi ne meri khulwai Main qufl ban ke kaleed-e-dar-e-khazana hua Kiya jo yar ne kuchh shughl-e-barq-andaazi Chiragh-e-zindagi-e-Khizr tak nishana hua Raha hai chah-e-zaqan mein mera dil-e-wahshi Kunwein mein jungli kabootar ka ashiyana hua Khuda daraz kare umr-e-charkh-e-neeli ko Yeh be-kason ke mazaron ka shamiyana hua Nahin hai misl-e-sadaf mujh sa doosra kam-bakht Naseeb-e-ghair mere munh ka aab-o-dana hua Hinai haathon se choti ko kholta hai yar Kahan se panja-e-marjan hareif-e-shana hua Dikhai chashm-e-ghazalan ne halqa-e-zanjeer Hamein to gosaha-e-sahra bhi qaid-khana hua Hamesha sham se hamsaye mar rahe Atish! Hamara nala-e-dil-gosh ko fasana hua