یا علی کہہ کر بت پندار توڑا چاہئے
یا علی کہہ کر بت پندار توڑا چاہئے نفس امارہ کی گردن کو مروڑا چاہئے تنگ آ کر جسم کو اے روح چھوڑا چاہئے طفل طبعوں کے لیے مٹی کا گھوڑا چاہئے زلف کے سودے میں اپنے سر کو پھوڑا چاہئے جب بلا کا سامنا ہو منہ نہ موڑا چاہئے گھورتی ہے تم کو نرگس آنکھ پھوڑا چاہئے گل بہت ہنستے ہیں کان ان کے مروڑا چاہئے آج کل ہوتا ہے اپنا عشق پنہاں آشکار پک چکا ہے خوب اب پھوٹے یہ پھوڑا چاہئے مانگتا ہوں میں خدا سے اپنے دل سے داغ عشق بادشاہ حسن کے سکے کا توڑا چاہئے ان لبوں کے عشق نے ہے جیسے دیوانہ کیا بڑ اپنی ہے اک لالوں کا جوڑا چاہئے دے رہا ہے گیسوئے مشکین سودے کو جگہ کس کے آگے جا کے اپنے سر کو پھوڑا چاہئے بادۂ گلگوں کے شیشہ کا ہوں سائل ساقیا ساتھ کیفیت کے اڑتا مجھ کو گھوڑا چاہئے یہ صدا آتی ہے رفتار سمند عمر سے وہ بھی گھوڑا ہے کوئی جس کو کہ کوڑا چاہئے قطع مقراض خموشی سے زباں کو کیجئے قفل دے کر گنج پر مفتاح توڑا چاہئے اپنے دیوانہ کا دل لے کر یہ کہتا ہے وہ طفل یہ کھلونا ہے اسی قابل کہ توڑا چاہئے زلفیں روئے یار پر بے وجہ لہراتی نہیں کچھ نہ کچھ زہر اگلے یہ کالے کا جوڑا چاہئے باغباں سے چھپ کے گل چینی جو کی تو کیا کیا آنکھ بلبل کی بچا کر پھول توڑا چاہئے فصل گل میں بیڑیاں کاٹی ہیں میرے پاؤں کی ہاتھ میں حداد کے سونے کا توڑا چاہئے باغ عالم میں یہی میری دعا ہے روز و شب خار خار عشق گل رخسار توڑا چاہئے عشق کی مشکل پسندی سے ہوا یہ آشکار خوب صورت کو غرور حسن تھوڑا چاہئے زمزمے سن کر مرے صیاد گل رو نے کہا ذبح کیجے ایسے بلبل کو نہ چھوڑا چاہئے پیر ہو آتشؔ کفن کا سامنا ہے عن قریب توبہ کیجے دامن تر کو نچوڑا چاہئے
English rendering
Ya Ali keh keh but-e-pindar toda chahiye Nafs-e-ammara ki gardan ko maroda chahiye Tang aa kar jism ko ae rooh chhoda chahiye Tifl-e-tabon ke liye mitti ka ghora chahiye Zulf ke saude mein apne sar ko phoda chahiye Jab bala ka samna ho munh na moda chahiye Ghoorti hai tum ko nargis aankh phoda chahiye Gul bahut hanste hain kaan un ke maroda chahiye Aaj kal hota hai apna ishq-e-pinhan aashkar Pak chuka hai khoob ab phoote yeh phoda chahiye Mangta hoon main Khuda se apne dil se dagh-e-ishq Badshah-e-husn ke sikke ka toda chahiye In labon ke ishq ne hai jaise deewana kiya Bar apni hai ik lalon ka joda chahiye De raha hai gesu-e-mushkeen saude ko jagah Kis ke aage jaa ke apne sar ko phoda chahiye Bada-e-gulgoon ke sheeshe ka hoon sail saqiya Saath kaifiyat ke urta mujh ko ghora chahiye Yeh sada aati hai raftaar-e-samand-e-umr se Woh bhi ghora hai koi jis ko ke koda chahiye Qata-e-miqraz-e-khamoshi se zaban ko keejiye Qufl de kar ganj par miftaah toda chahiye Apne deewane ka dil le kar yeh kehta hai woh tifl Yeh khilauna hai isi qabil ke toda chahiye Zulfein ru-e-yar par be-wajah lehrati nahin Kuchh na kuchh zehar ugle yeh kaale ka joda chahiye Baghban se chhup ke gul-cheeni jo ki to kya kiya Aankh bulbul ki bacha kar phool toda chahiye Fasl-e-gul mein bediyan kaati hain mere paon ki Haath mein haddad ke sone ka toda chahiye Bagh-e-alam mein yahi meri dua hai roz-o-shab Khar-khar-e-ishq-e-gul-rukhsar toda chahiye Ishq ki mushkil-pasandi se hua yeh aashkar Khoobsurat ko ghuroor-e-husn thoda chahiye Zamzame sun kar mere sayyad-e-gul-ru ne kaha Zabh keejiye aise bulbul ko na chhoda chahiye Peer ho Atish! kafan ka samna hai anqareeb Tauba keejiye daman-e-tar ko nichoda chahiye