یہ کس رشک مسیحا کا مکاں ہے
یہ کس رشک مسیحا کا مکاں ہے زمیں یاں کی چہارم آسماں ہے خدا پنہاں ہے عالم آشکارا نہاں ہے گنج ویرانہ عیاں ہے دل روشن ہے روشن گر کی منزل یہ آئینہ سکندر کا مکاں ہے تکلف سے بری ہے حسن ذاتی قبائے گل میں گل بوٹا کہاں ہے پسیجے گا کبھی تو دل کسی کا ہمیشہ اپنی آہوں کا دھواں ہے برنگ بو ہوں گلشن میں میں بلبل بغل غنچے کے میرا آشیاں ہے شگفتہ رہتی ہے خاطر ہمیشہ قناعت بھی بہار بے خزاں ہے چمن کی سیر پر ہوتا ہے جھگڑا کمر میری ہے دست باغباں ہے بہت آتا ہے یاد اے صبر مسکیں خدا خوش رکھے تجھ کو تو جہاں ہے الٰہی ایک دل کس کس کو دوں میں ہزاروں بت ہیں یاں ہندوستاں ہے یقیں ہوتا ہے خوشبوئی سے اس کے کسی گل رو کا غنچہ عطرداں ہے وطن میں اپنے اہل شوق کی طرح سفر میں روز و شب ریگ رواں ہے سحر ہووے کہیں شبنم کرے کوچ گل و بلبل کا دریا درمیاں ہے سعادت مند قسمت پر ہیں شاکر ہما کو مغز بادام استخواں ہے دل بے تاب جو اس میں گرے ہیں ذقن جاناں کا پارہ کا کنواں ہے جرس کے ساتھ دل رہتے ہیں نالاں مرے یوسف کا عاشق کارواں ہے نہ کہہ رندوں کو حرف سخت واعظ درشت اہل جہنم کی زباں ہے قد محبوب کو شاعر کہیں سرو قیامت کا یہ اے آتشؔ نشاں ہے
English rendering
Yeh kis rashk-e-Masiha ka makaan hai Zameen yaan ki chaharum aasman hai Khuda pinhaan hai aalam aashkaara Nihaan hai ganj-e-weerana ayan hai Dil roshan hai roshan gar ki manzil Yeh aaina Sikandar ka makaan hai Takalluf se bari hai husn-e-zaati Qabai-e-gul mein gul-buta kahan hai Paseeje ga kabhi to dil kisi ka Hamesha apni aahon ka dhuaan hai Barang o bu hon gulshan mein main bulbul Baghal ghunche ke mera aashiyaan hai Shagufta rehti hai khatir hamesha Qana'at bhi bahar-e-be-khazan hai Chaman ki sair par hota hai jhagra Kamar meri hai dast-e-baghbaan hai Bahut aata hai yaad ae Sabr-e-miskeen Khuda khush rakhe tujh ko tu jahan hai Ilahi ek dil kis kis ko doon main Hazaaron but hain yaan Hindustan hai Yaqeen hota hai khushbooi se us ke Kisi gul ru ka ghuncha atrdaan hai Watan mein apne ahl-e-shauq ki tarah Safar mein roz o shab reg-e-rawan hai Sehar hove kahin shabnam kare kooch Gul o bulbul ka darya darmiyan hai Sa'adat mand qismat par hain shakir Huma ko maghz-e-badam astukhwan hai Dil be taab jo is mein gire hain Zaqan-e-jaanaan ka paara ka kunwan hai Jaras ke saath dil rehte hain nalaan Mere Yusuf ka aashiq karwaan hai Na keh rindon ko harf-e-sakht wa'iz Darasht-e-ahl-e-jahannum ki zaban hai Qadd-e-mahboob ko shair kahin sarv Qayamat ka yeh ae Atash nishan hai