کب سنے زنجیر مجھ مجروح دیوانے کی عرض
کب سنے زنجیر مجھ مجروح دیوانے کی عرض نیں پہنچتی کان تک اس زلف کے شانے کی عرض گرمی اہل بزم سے مت کر کہ میں ہوتا ہوں داغ شمع کی خدمت میں ہے اتنی ہی پروانے کی عرض شیشہ مجھ دل سا نہ پاوے اور تری آنکھوں سا جام لے اگر ساقی ہزاروں سال میخانے کی عرض دل کو ویراں مت کرو یہ ہے جنوں کا پاۓ تخت اے پری زادوں کبھو سنئے بھی دیوانے کی عرض فصل جاتی ہے یقیںؔ اور باغباں سے ایک یار کوئی کرتا نیں ہمارے باغ میں جانے کی عرض
English rendering
Kab sune zanjeer mujh majrooh deewane ki arz Nahin pahunchti kaan tak us zulf ke shaane ki arz Garmi-e-ahl-e-bazm se mat kar keh main hota hoon daagh Shama ki khidmat mein hai itni hi parwane ki arz Sheesha mujh dil sa na paawe aur teri aankhon sa jaam Le agar saaqi hazaaron saal mai-khaane ki arz Dil ko veeran mat karo yeh hai junoon ka paaye takht Aye pari-zaado kabhu suniye bhi deewane ki arz Fasl jaati hai Yaqeen aur baghban se ek yaar Koi karta nahin hamare bagh mein jaane ki arz