نہیں معلوم اب کی سال مے خانے پہ کیا گزرا
نہیں معلوم اب کی سال مے خانے پہ کیا گزرا ہمارے توبہ کر لینے سے پیمانے پہ کیا گزرا برہمن سر کو اپنے پیٹتا تھا دیر کے آگے خدا جانے تری صورت سے بت خانے پہ کیا گزرا مجھے زنجیر کر رکھا ہے ان شہری غزالوں نے نہیں معلوم میرے بعد ویرانے پہ کیا گزرا ہوئے ہیں چور میرے استخواں پتھر سے ٹکرا کے نہ پوچھا یہ کبھی تو نے کہ دیوانہ پہ کیا گزرا یقیںؔ کب یار میرے سوز دل کی داد کو پہنچے کہاں ہے شمع کو پروا کہ پروانہ پہ کیا گزرا
English rendering
Nahin maloom ab ki saal may-khane pe kya guzra Hamare tauba kar lene se paimane pe kya guzra Brahman sar ko apne peetta tha dair ke aage Khuda jaane teri soorat se but-khane pe kya guzra Mujhe zanjeer kar rakha hai in shehri ghazalon ne Nahin maloom mere baad veerane pe kya guzra Hue hain choor mere astakhwan patthar se takra ke Na poocha yeh kabhi tu ne ke deewane pe kya guzra Yaqeen kab yaar mere soz-e-dil ki daad ko pahunche Kahan hai shama ko parwah ke parwane pe kya guzra