مکان
مکان آج کی رات بہت گرم ہوا چلتی ہے آج کی رات نہ فٹ پاتھ پہ نیند آئے گی سب اٹھو،میں بھی اٹھوں،تم بھی اٹھو،تم بھی اٹھو کوئی کھڑکی اسی دیوار میں کھل جائے گی یہ زمیں تب بھی نگل لینے پہ آمادہ تھی پاؤں جب ٹوٹتی شاخوں سے اتارے ہم نے ان مکانوں کو خبر ہے نہ مکینوں کو خبر ان دنوں کی جو گھپاؤں میں گزارے ہم نے ہاتھ ڈھلتے گئے سانچے میں تو تھکتے کیسے نقش کے بعد نئے نقش نکھارے ہم نے کی یہ دیوار بلند ، اور بلند ، اور بلند بام و در اور ، ذرا اور سنوارے ہم نے آندھیاں توڑ لیا کرتی تھیں شمعوں کی لویں جڑ دئیے اس لئے بجلی کے ستارے ہم نے بن گیا قصر تو پہرے پہ کوئی بیٹھ گیا سو رہے خاک پہ ہم شورش تعمیر لئے اپنی نس نس میں لئے محنت پیہم کی تھکن بند آنکھوں میں اسی قصر کی تصویر لئے دن پگھلتا ہے اسی طرح سروں پر اب تک رات آنکھوں میں کھٹکتی ہے سیہ تیر لئے آج کی رات بہت گرم ہوا چلتی ہے آج کی رات نہ فٹ پاتھ پہ نیند آئے گی سب اٹھو،میں بھی اٹھوں،تم بھی اٹھو،تم بھی اٹھو کوئی کھڑکی اسی دیوار میں کھل جائے گی
English rendering
Makaan Aaj ki raat bahut garam hawa chalti hai Aaj ki raat na footpath pe neend aayegi Sab utho, main bhi uthoon, tum bhi utho, tum bhi utho Koi khidki isi deewar mein khul jaayegi Ye zameen tab bhi nigal lene pe amada thi Paaoon jab toot'ti shaakhon se utare hum ne In makaanon ko khabar hai na makeenon ko khabar In dino ki jo gufaaon mein guzare hum ne Haath dhalte gaye saanche mein to thakte kaise Naqsh ke baad naye naqsh nikhare hum ne Ki ye deewar buland, aur buland, aur buland Baam-o-dar aur, zara aur sanwaare hum ne Aandhiyan tod liya karti thin shamaon ki lowein Jad diye is liye bijli ke sitare hum ne Ban gaya qasr to pehre pe koi baith gaya So rahe khaak pe hum shorish-e-taameer liye Apni nas nas mein liye mehnat-e-paiham ki thakan Band aankhon mein isi qasr ki tasveer liye Din pighalta hai isi tarah saron par ab tak Raat aankhon mein khatakti hai siyah teer liye Aaj ki raat bahut garam hawa chalti hai Aaj ki raat na footpath pe neend aayegi Sab utho, main bhi uthoon, tum bhi utho, tum bhi utho Koi khidki isi deewar mein khul jaayegi