آنکھوں سے حیا ٹپکے ہے انداز تو دیکھو
آنکھوں سے حیا ٹپکے ہے انداز تو دیکھو ہے بو الہوسوں پر بھی ستم ناز تو دیکھو اس بت کے لیے میں ہوس حور سے گزرا اس عشق خوش انجام کا آغاز تو دیکھو چشمک مری وحشت پہ ہے کیا حضرت ناصح طرز نگہ چشم فسوں ساز تو دیکھو ارباب ہوس ہار کے بھی جان پہ کھیلے کم طالعی عاشق جاں باز تو دیکھو مجلس میں مرے ذکر کے آتے ہی اٹھے وہ بدنامیٔ عشاق کا اعزاز تو دیکھو محفل میں تم اغیار کو دز دیدہ نظر سے منظور ہے پنہاں نہ رہے راز تو دیکھو اس غیرت ناہید کی ہر تان ہے دیپک شعلہ سا لپک جائے ہے آواز تو دیکھو دیں پاکی دامن کی گواہی مرے آنسو اس یوسف بے درد کا اعجاز تو دیکھو جنت میں بھی مومنؔ نہ ملا ہائے بتوں سے جور اجل تفرقہ پرداز تو دیکھو
English rendering
aankhon se haya Tapke hai andaaz to dekho hai bo-al-hawason par bhi sitam-e-naaz to dekho us but ke liye main hawas-e-hoor se guzra is ishq-e-khush-anjaam ka aaghaz to dekho chashmak meri wahshat pe hai kya hazrat-e-naseh tarz-e-nigah-e-chashm-e-fasoon-saaz to dekho arbab-e-hawas haar ke bhi jaan pe khele kam-tala'i-e-aashiq-e-jaan-baz to dekho majlis mein mere zikr ke aate hi uThe woh badnami-e-ushshaq ka a'zaaz to dekho mahfil mein tum aghyar ko duzd-dida nazar se manzoor hai pinhan na rahe raaz to dekho is ghairat-e-nahid ki har taan hai deepak shola sa lapak jaaye hai aawaz to dekho den paaki-e-daman ki gawahi mere aansu is Yusuf-e-be-dard ka a'jaz to dekho jannat mein bhi Momin! na mila haye buton se jor-e-ajal tafriqa-pardaz to dekho