ہم جان فدا کرتے ، گر وعدہ وفا ہوتا
ہم جان فدا کرتے ، گر وعدہ وفا ہوتا مرنا ہی مقدر تھا ، وہ آتے تو کیا ہوتا ایک ایک ادا سو سو، دیتی ہے جواب اسکے کیونکر لبِ قاصد سے، پیغام ادا ہوتا اچھی ہے وفا مجھ سے، جلتے ہیں جلیں دشمن تم آج ہُوا سمجھو، جو روزِ جزا ہوتا جنّت کی ہوس واعظ ، بے جا ہے کہ عاشق ہوں ہاں سیر میں جی لگتا، گر دل نہ لگا ہوتا اس تلخیِ حسرت پر، کیا چاشنیِ الفت کب ہم کو فلک دیتا، گر غم میں مزا ہوتا تھے کوسنے یا گالی، طعنوں کا جواب آخر لب تک غمِ غیر آتا، گر دل میں بھرا ہوتا ہے صلح عدو بے خط، تھی جنگ غلط فہمی جیتا ہے تو آفت ہے، مرتا تو بلا ہوتا ہونا تھا وصال اک شب، قسمت میں بلا سے گر تُو مجھ سے خفا ہوتا، میں تجھ سے خفا ہوتا ہے بے خودی دایم، کیا شکوہ تغافل کا جب میں نہ ہوا اپنا، کیونکر وہ مرا ہوتا اس بخت پہ کوشش سے، تھکنے کے سوا حاصل گر چارۂ غم کرتا، رنج اور سوا ہوتا اچھی مری بدنامی تھی یا تری رُسوائی گر چھوڑ نہ دیتا، میں پامالِ جفا ہوتا دیوانے کے ہاتھ آیا کب بندِ قبا اُس کا ناخن جو نہ بڑھ جاتے، تو عقدہ یہ وا ہوتا ہم بندگئ بت سے ہوتے نہ کبھی کافر ہر جاے گر اے مومن موجود خدا ہوتا
English rendering
Hum jaan fida karte, gar wada wafa hota Marna hi muqaddar tha, woh aate toh kya hota Ek ek ada sau sau, deti hai jawab uske Kyunkar lab-e-qaasid se, paigham ada hota Achhi hai wafa mujh se, jalte hain jalein dushman Tum aaj hua samjho, jo roz-e-jaza hota Jannat ki hawas waaiz, be ja hai ke aashiq hoon Haan sair mein jee lagta, gar dil na laga hota Is talkhi-e-hasrat par, kya chashni-e-ulfat Kab hum ko falak deta, gar gham mein maza hota The kousne ya gaali, taano ka jawab aakhir Lab tak gham-e-ghair aata, gar dil mein bhara hota Hai sulh-e-adoo be khat, thi jang ghalat fehmi Jeeta hai toh aafat hai, marta toh bala hota Hona tha visal ik shab, qismat mein bala se gar Tu mujh se khafa hota, main tujh se khafa hota Hai bekhudi daaim, kya shikwa taghaful ka Jab main na hua apna, kyunkar woh mera hota Is bakht pe koshish se, thakne ke siwa hasil Gar chara-e-gham karta, ranj aur siwa hota Achhi meri badnami thi ya teri ruswai Gar chhod na deta, main pamal-e-jafa hota Deewane ke haath aaya kab band-e-qaba us ka Naakhun jo na badh jaate, toh uqda yeh wa hota Ham bandagi-e-but se hote na kabhi kaafir Har jaa'e gar ay Momin maujood khuda hota