اثر اس کو ذرا نہیں ہوتا
اثر اس کو ذرا نہیں ہوتا رنج راحت فزا نہیں ہوتا بے وفا کہنے کی شکایت ہے تو بھی وعدہ وفا نہیں ہوتا ذکر اغیار سے ہوا معلوم حرف ناصح برا نہیں ہوتا کس کو ہے ذوق تلخ کامی لیک جنگ بن کچھ مزا نہیں ہوتا تم ہمارے کسی طرح نہ ہوئے ورنہ دنیا میں کیا نہیں ہوتا اس نے کیا جانے کیا کیا لے کر دل کسی کام کا نہیں ہوتا امتحاں کیجیے مرا جب تک شوق زور آزما نہیں ہوتا ایک دشمن کہ چرخ ہے نہ رہے تجھ سے یہ اے دعا نہیں ہوتا آہ طول امل ہے روز فزوں گرچہ اک مدعا نہیں ہوتا تم مرے پاس ہوتے ہو گویا جب کوئی دوسرا نہیں ہوتا حال دل یار کو لکھوں کیوں کر ہاتھ دل سے جدا نہیں ہوتا رحم کر خصم جان غیر نہ ہو سب کا دل ایک سا نہیں ہوتا دامن اس کا جو ہے دراز تو ہو دست عاشق رسا نہیں ہوتا چارۂ دل سوائے صبر نہیں سو تمہارے سوا نہیں ہوتا کیوں سنے عرض مضطر مومنؔ صنم آخر خدا نہیں ہوتا
English rendering
asar usko zara nahin hota ranj rahat-faza nahin hota be-wafa kehne ki shikayat hai tu bhi waada-e-wafa nahin hota zikr-e-aghyar se hua maloom harf-e-naseh bura nahin hota kis ko hai zauq-e-talkh-kaami lek jang bin kuchh maza nahin hota tum hamare kisi tarah na huye warna duniya mein kya nahin hota usne kya jaane kya kya le kar dil kisi kaam ka nahin hota imtehan kijiye mera jab tak shauq zor-aazma nahin hota ek dushman ki charkh hai na rahe tujh se yeh aye dua nahin hota aah tool-e-amal hai roz-afzun garcha ek muddaa nahin hota tum mere paas hote ho goya jab koi doosra nahin hota haal-e-dil yaar ko likhun kyun kar haath dil se juda nahin hota rahm kar khasm-e-jaan ghair na ho sab ka dil ek sa nahin hota daman uska jo hai daraz to ho dast-e-aashiq rasa nahin hota chara-e-dil siwaye sabr nahin so tumhare siwa nahin hota kyun sune arz-e-muztar Momin! sanam aakhir khuda nahin hota