ڈر تو مجھے کس کا ہے کہ میں کچھ نہیں کہتا
ڈر تو مجھے کس کا ہے کہ میں کچھ نہیں کہتا پر حال یہ افشا ہے کہ میں کچھ نہیں کہتا ناصح یہ گلہ کیا ہے کہ میں کچھ نہیں کہتا تو کب مری سنتا ہے کہ میں کچھ نہیں کہتا میں بولوں تو چپ ہوتے ہیں اب آپ جبھی تک یہ رنجش بے جا ہے کہ میں کچھ نہیں کہتا کچھ غیر سے ہونٹوں میں کہے ہے یہ جو پوچھو تو ووہیں مکرتا ہے کہ میں کچھ نہیں کہتا کب پاس پھٹکنے دوں رقیبوں کو تمہارے پر پاس تمہارا ہے کہ میں کچھ نہیں کہتا ناصح کو جو چاہوں تو ابھی ٹھیک بنا دوں پر خوف خدا کا ہے کہ میں کچھ نہیں کہتا کیا کیا نہ کہے غیر کی گر بات نہ پوچھو یہ حوصلہ میرا ہے کہ میں کچھ نہیں کہتا کیا کہئے نصیبوں کو کہ اغیار کا شکوہ سن سن کے وہ چپکا ہے کہ میں کچھ نہیں کہتا مت پوچھ کہ کس واسطے چپ لگ گئی ظالم بس کیا کہوں میں کیا ہے کہ میں کچھ نہیں کہتا چپکے سے ترے ملنے کا گھر والوں میں تیرے اس واسطے چرچا ہے کہ میں کچھ نہیں کہتا ہاں تنگ دہانی کا نہ کرنے کے لیے بات ہے عذر پر ایسا ہے کہ میں کچھ نہیں کہتا اے چارہ گرو قابل درماں نہیں یہ درد ورنہ مجھے سودا ہے کہ میں کچھ نہیں کہتا ہر وقت ہے دشنام ہر اک بات میں طعنہ پھر اس پہ بھی کہتا ہے کہ میں کچھ نہیں کہتا کچھ سن کے جو میں چپ ہوں تو تم کہتے ہو بولو سمجھو تو یہ تھوڑا ہے کہ میں کچھ نہیں کہتا سنتا نہیں وہ ورنہ یہ سرگوشی اغیار کیا مجھ کو گوارا ہے کہ میں کچھ نہیں کہتا مومنؔ بخدا سحر بیانی کا جبھی تک ہر ایک کو دعویٰ ہے کہ میں کچھ نہیں کہتا
English rendering
Dar to mujhe kis ka hai ke main kuch nahin kehta Par haal yeh ifsha hai ke main kuch nahin kehta Nasiha yeh gila kya hai ke main kuch nahin kehta Tu kab meri sunta hai ke main kuch nahin kehta Main boloon to chup hote hain ab aap jabhi tak Yeh ranjish be-ja hai ke main kuch nahin kehta Kuch ghair se honthon mein kahe hai yeh jo poocho To wahin mukarta hai ke main kuch nahin kehta Kab paas phatakne doon raqeebon ko tumhare Par paas tumhara hai ke main kuch nahin kehta Nasiha ko jo chaahoon to abhi theek bana doon Par khauf-e-Khuda ka hai ke main kuch nahin kehta Kya kya na kahe ghair ki gar baat na poocho Yeh hausla mera hai ke main kuch nahin kehta Kya kahiye naseebon ko ke aghyar ka shikwa Sun sun ke woh chupka hai ke main kuch nahin kehta Mat poochh ke kis waste chup lag gai zaalim Bas kya kahoon main kya hai ke main kuch nahin kehta Chupke se tere milne ka ghar walon mein tere Iss waste charcha hai ke main kuch nahin kehta Haan tang-dahani ka na karne ke liye baat Hai uzr par aisa hai ke main kuch nahin kehta Aye chaara-garon qaabil-e-darmaan nahin yeh dard Varna mujhe sauda hai ke main kuch nahin kehta Har waqt hai dushnam har ik baat mein taana Phir iss pe bhi kehta hai ke main kuch nahin kehta Kuch sun ke jo main chup hoon to tum kehte ho bolo Samjho to yeh thoda hai ke main kuch nahin kehta Sunta nahin woh varna yeh sargoshi-e-aghyar Kya mujh ko gawara hai ke main kuch nahin kehta Momin ba-khuda sehr-bayaani ka jabhi tak Har ek ko dawa hai ke main kuch nahin kehta