دل بستگی سی ہے کسی زلف دوتا کے ساتھ
دل بستگی سی ہے کسی زلف دوتا کے ساتھ پالا پڑا ہے ہم کو خدا کس بلا کے ساتھ کب تک نبھائیے بت ناآشنا کے ساتھ کیجے وفا کہاں تلک اس بے وفا کے ساتھ یاد ہوائے یار نے کیا کیا نہ گل کھلائے آئی چمن سے نکہت گل جب صبا کے ساتھ مانگا کریں گے اب سے دعا ہجر یار کی آخر تو دشمنی ہے اثر کو دعا کے ساتھ ہے کس کا انتظار کہ خواب عدم سے بھی ہر بار چونک پڑتے ہیں آواز پا کے ساتھ یا رب وصال یار میں کیونکر ہو زندگی نکلی ہی جان جاتی ہے ہر ہر ادا کے ساتھ اللہ رے سوز آتش غم بعد مرگ بھی اٹھتے ہیں میری خاک سے شعلے ہوا کے ساتھ سو زندگی نثار کروں ایسی موت پر یوں روئے زار زار تو اہل عزا کے ساتھ ہر دم عرق عرق نگہ بے حجاب ہے کس نے نگاہ گرم سے دیکھا حیا کے ساتھ مرنے کے بعد بھی وہی آوارگی رہی افسوس جاں گئی نفس نارسا کے ساتھ دست جنوں نے میرا گریباں سمجھ لیا الجھا ہے ان سے شوخ کے بند قبا کے ساتھ آتے ہی تیرے چل دیئے سب ورنہ یاس کا کیسا ہجوم تھا دل حسرت فزا کے ساتھ میں کینے سے بھی خوش ہوں کہ سب یہ تو کہتے ہیں اس فتنہ گر کو لاگ ہے اس مبتلا کے ساتھ اللہ ری گمرہی بت و بت خانہ چھوڑ کر مومنؔ چلا ہے کعبہ کو اک پارسا کے ساتھ مومنؔ وہی غزل پڑھو شب جس سے بزم میں آتی تھی لب پہ جان زہ و حبذا کے ساتھ
English rendering
Dil bastagi si hai kisi zulf-e-dota ke saath Paala pada hai hum ko Khuda kis bala ke saath Kab tak nibhaye but-e-naa-aashna ke saath Keeje wafa kahan talak uss bewafa ke saath Yaad-e-hava-e-yaar ne kya kya na gul khilaaye Aai chaman se nikhat-e-gul jab saba ke saath Maanga karenge ab se dua hijr-e-yaar ki Aakhir to dushmani hai asar ko dua ke saath Hai kis ka intezaar ke khwab-e-adam se bhi Har baar chaunk padte hain aawaaz-e-paa ke saath Ya Rab visaal-e-yaar mein kyun kar ho zindagi Nikli hi jaan jaati hai har har ada ke saath Allah re soz-e-aatish-e-gham baad-e-marg bhi Uthte hain meri khaak se shole hawa ke saath Sau zindagi nisaar karoon aisi maut par Yoon roye zaar zaar to ahl-e-aza ke saath Har dam araq araq nigaah-e-be-hijab hai Kis ne nigaah-e-garm se dekha haya ke saath Marne ke baad bhi wohi aawargi rahi Afsoos jaan gai nafs-e-naarasa ke saath Dast-e-junoon ne mera girebaan samajh liya Uljha hai un se shokh ke band-e-qaba ke saath Aate hi tere chal diye sab varna yaas ka Kaisa hujoom tha dil-e-hasrat-fiza ke saath Main keene se bhi khush hoon ke sab yeh to kehte hain Uss fitna-gar ko laag hai uss mubtala ke saath Allah re gumrahi but-o-but-khaana chhod kar Momin chala hai Kaaba ko ik paarsa ke saath Momin wohi ghazal padho shab jis se bazm mein Aati thi lab pe jaan zahu-o-habbaza ke saath