دل قابل محبت جاناں نہیں رہا
دل قابل محبت جاناں نہیں رہا وہ ولولہ وہ جوش وہ طغیاں نہیں رہا ٹھنڈا ہے گرم جوشی افسردگی سے جی کیسا اثر کہ نالہ و افغاں نہیں رہا کرتے ہیں اپنے زخم جگر کو رفو ہم آپ کچھ بھی خیال جنبش مژگاں نہیں رہا دل سختیوں سے آئی طبیعت میں نازکی صبر و تحمل قلق جاں نہیں رہا غش ہیں کہ بے دماغ ہیں گل پیرہن نمط از بس دماغ عطر گریباں نہیں رہا آنکھیں نہ بدلیں شوخ نظر کیوں کے اب کہ میں مفتون لطف نرگس فتاں نہیں رہا ناکامیوں کا گاہ گلہ گاہ شکر ہے شوق وصال و اندہ ہجراں نہیں رہا بے تودہ تودہ خاک سبک دوش ہو گئے سر پر جنون عشق کا احساں نہیں رہا ہر لحظہ مہر جلووں سے ہیں چشم پوشیاں آئینہ زار دیدۂ حیراں نہیں رہا پھرتے ہیں کیسے پردہ نشینوں سے منہ چھپائے رسوا ہوئے کہ اب غم پنہاں نہیں رہا آسیب چشم قہر پری طلعتاں نہیں اے انس اک نظر کہ میں انساں نہیں رہا بے کاری امید سے فرصت ہے رات دن وہ کاروبار حسرت و حرماں نہیں رہا بے سیر دشت و بادیہ لگنے لگا ہے جی اور اس خراب گھر میں کہ ویراں نہیں رہا کیا تلخ کامیوں نے لب زخم سی دیئے وہ شور اشتیاق نمکداں نہیں رہا بے اعتبار ہو گئے ہم ترک عشق سے از بس کہ پاس وعدہ و پیماں نہیں رہا نیند آئی ہے فسانۂ گیسو و زلف سے وہم و گمان خواب پریشاں نہیں رہا کس کام کے رہے جو کسی سے رہا نہ کام سر ہے مگر غرور کا ساماں نہیں رہا مومنؔ یہ لاف الفت تقویٰ ہے کیوں مگر دلی میں کوئی دشمن ایماں نہیں رہا
English rendering
Dil qabil-e-mohabbat-e-jaan-e-jaan nahin raha Woh walwala, woh josh, woh tughiyan nahin raha Thanda hai garam joshi afsurdagi se ji Kaisa asar ke nala-o-afghan nahin raha Karte hain apne zakhm-e-jigar ko rafu hum aap Kuchh bhi khayal-e-jumbish-e-mizhgan nahin raha Dil sakhtiyon se aayi tabiyat mein nazuki Sabr-o-tahamul, qalaq-e-jaan nahin raha Ghash hain ke be-dimagh hain gul pairahan namat Az bas dimagh-e-atr-e-gireban nahin raha Aankhein na badleen shokh nazar kyun ke ab ke main Maftoon-e-lutf-e-nargis-e-fitaan nahin raha Na-kamiyon ka gaah gila, gaah shukr hai Shauq-e-visal-o-andoh-e-hijran nahin raha Be-tuda-tuda khaak subukdosh ho gaye Sar par junoon-e-ishq ka ehsan nahin raha Har lahza mehr-e-jalwon se hain chashm-poshiyan Aaina-zaar-e-dida-e-hairan nahin raha Phirte hain kaise parda nasheenon se munh chhupaye Ruswa hue ke ab gham-e-pinhan nahin raha Aaseb-e-chashm-e-qahr-e-pari tal'ateen nahin Ae ins! Ek nazar ke main insaan nahin raha Be-kari-e-umeed se fursat hai raat din Woh karobar-e-hasrat-o-hirmaan nahin raha Be-sair-e-dasht-o-badiya lagne laga hai ji Aur is kharab ghar mein ke veeran nahin raha Kya talkh-kamiyon ne lab-e-zakhm si diye Woh shor-e-ishtiyaq-e-namakdan nahin raha Be-e'tibar ho gaye hum tark-e-ishq se Az bas ke paas-e-wa'da-o-paiman nahin raha Neend aayi hai fasan-e-gesu-o-zulf se Wahm-o-guman-e-khwab-e-pareshan nahin raha Kis kaam ke rahe jo kisi se raha na kaam Sar hai magar ghuroor ka saman nahin raha Momin! Yeh laaf-e-ulfat-e-taqwa hai kyun magar Dilli mein koi dushman-e-eeman nahin raha