ہے دل میں غبار اس کے گھر اپنا نہ کریں گے
ہے دل میں غبار اس کے گھر اپنا نہ کریں گے ہم خاک میں ملنے کی تمنا نہ کریں گے کیونکر یہ کہیں منت اعدا نہ کریں گے کیا کیا نہ کیا عشق میں کیا کیا نہ کریں گے ہنس ہنس کے وہ مجھ سے ہی مرے قتل کی باتیں اس طرح سے کرتے ہیں کہ گویا نہ کریں گے کیا نامے میں لکھوں دل وابستہ کا احوال معلوم ہے پہلے ہی کہ وہ وا نہ کریں گے غیروں سے شکر لب سخن تلخ بھی تیرا ہر چند ہلاہل ہو گوارا نہ کریں گے بیمار اجل چارہ کو گر حضرت عیسیٰ اچھا بھی کریں گے تو کچھ اچھا نہ کریں گے جھنجھلاتے ہو کیا دیجیے اک بوسہ دہن کا ہو جائیں گے لب بند تو غوغا نہ کریں گے دیوار کے گر پڑتے ہی اٹھنے لگے طوفاں اب بیٹھ کے کونے میں بھی رویا نہ کریں گے گر سامنے اس کے بھی گرے اشک تو دل سے کیوں روز جزا خون کا دعوا نہ کریں گے کس وقت کیا مردمک چشم کا شکوہ اے پردہ نشیں ہم تجھے رسوا نہ کریں گے ناصح کف افسوس نہ مل چل تجھے کیا کام پامال کریں گے وہ مجھے یا نہ کریں گے اس کو میں ٹھہرنے نہ دیا جوش قلق نے اغیار سے ہم شکوۂ بے جا نہ کریں گے گر ذکر وفا سے یہی غصہ ہے تو اب سے گو قتل کا وعدہ ہو تقاضا نہ کریں گے مومنؔ وہ غزل کہتے ہیں اب جس سے یہ مضمون کھل جائے کہ ترک در بت خانہ کریں گے
English rendering
Hai dil mein ghubar us ke, ghar apna na karenge Hum khaak mein milne ki tamanna na karenge Kyunkar yeh kahein minnat-e-a'da na karenge Kya kya na kiya ishq mein, kya kya na karenge Hans hans ke woh mujh se hi mere qatl ki baatein Is tarah se karte hain ke goya na karenge Kya naame mein likhoon dil-e-wabasta ka ahwal Ma'loom hai pehle hi ke woh wa na karenge Ghairon se shakar lab, sukhan-e-talkh bhi tera Har chand halahal ho, gawara na karenge Beemar-e-ajal chara ko gar Hazrat-e-Isa Achha bhi karenge to kuchh achha na karenge Jhinjhlata ho kya dijiye ek bosa dahan ka Ho jayenge lab band to ghaugha na karenge Deewar ke gir padte hi uthne lage toofan Ab baith ke kone mein bhi roya na karenge Gar saamne us ke bhi gire ashk to dil se Kyun roz-e-jaza khoon ka da'wa na karenge Kis waqt kiya mardumak-e-chashm ka shikwa Ae parda-nasheen hum tujhe ruswa na karenge Naasih! Kaf-e-afsos na mal, chal tujhe kya kaam Pamaal karenge woh mujhe ya na karenge Is ko main theharne na diya josh-e-qalaq ne Aghyar se hum shikwa-e-beja na karenge Gar zikr-e-wafa se yehi ghussa hai to ab se Go qatl ka wa'da ho, taqaza na karenge Momin! Woh ghazal kehte hain ab jis se yeh mazmoon Khul jaye ke tark-e-dar-e-but-khana karenge