مومن خان مومن

English rendering

Hum samajhte hain aazmane ko Uzr kuchh chahiye satane ko Sang-e-dar se tere nikali aag Hum ne dushman ka ghar jalane ko Subh-e-ishrat hai woh na shaam-e-visal Haaye kya ho gaya zamane ko Bawalahaus roye mere girya pe ab Munh kahan tere muskurane ko Barq ka asman par hai dimagh Phoonk kar mere aashiyane ko Sang-e-sauda junoon mein lete hain Apna hum maqbara banane ko Shikwa hai ghair ki kudurat ka Sau mere khaak mein milane ko Roz-e-mehshar bhi hosh gar aaya Jaayenge hum sharab-khane ko Sun ke wasf us pe mar gaya hamdam Khoob aaya tha gham uthane ko Koi din hum jahan mein baithe hain Asman ke sitam uthane ko Chal ke Ka'ba mein sajda kar Momin! Chhod us but ke aastane ko Naqsh-e-paa-e-raqib ki mehrab Nahin zaibanda sar jhukane ko