اس وسعت کلام سے جی تنگ آ گیا
اس وسعت کلام سے جی تنگ آ گیا ناصح تو میری جان نہ لے دل گیا گیا ضد سے وہ پھر رقیب کے گھر میں چلا گیا اے رشک میری جان گئی تیرا کیا گیا یہ ضعف ہے تو دم سے بھی کب تک چلا گیا خود رفتگی کے صدمے سے مجھ کو غش آ گیا کیا پوچھتا ہے تلخی الفت میں پند کو ایسی تو لذتیں ہیں کہ تو جان کھا گیا کچھ آنکھ بند ہوتے ہی آنکھیں سی کھل گئیں جی اک بلائے جان تھا اچھا ہوا گیا آنکھیں جو ڈھونڈتی تھیں نگہ ہائے التفات گم ہونا دل کا وہ مری نظروں سے پا گیا بوئے سمن سے شاد تھے اغیار بے تمیز اس گل کو اعتبار نسیم و صبا گیا آہ سحر ہماری فلک سے پھری نہ ہو کیسی ہوا چلی یہ کہ جی سنسنا گیا آتی نہیں بلائے شب غم نگاہ میں کس مہروش کا جلوہ نظر میں سما گیا اے جذب دل نہ تھم کہ نہ ٹھہرا وہ شعلہ رو آیا تو گرم گرم ولیکن جلا گیا مجھ خانماں خراب کا لکھا کہ جان کر وہ نامہ غیر کا مرے گھر میں گرا گیا مہندی ملے گا پانوں سے دشمن تو آن کر کیوں میرے تفتہ سینے کو ٹھوکر لگا گیا بوسہ صنم کی آنکھ کا لیتے ہی جان دی مومنؔ کو یاد کیا حجر الاسود آ گیا
English rendering
Is wus'at-e-kalaam se ji tang aa gaya Naaseh tu meri jaan na le dil gaya gaya Zid se woh phir raqeeb ke ghar mein chala gaya Ae rashk meri jaan gayi tera kya gaya Yeh za'af hai to dam se bhi kab tak chala gaya Khud raftagi ke sadme se mujh ko ghash aa gaya Kya poochhta hai talkhi-e-ulfat mein pand ko Aisi to lazzatein hain ke tu jaan kha gaya Kuch aankh band hote hi aankhein si khul gayin Ji ek balaye jaan tha achha hua gaya Aankhein jo dhoondhti thin nigah haaye iltifaat Gum hona dil ka woh meri nazron se paa gaya Boo-e-saman se shad the aghyaar-e-be-tameez Is gul ko aitbaar-e-naseem o saba gaya Aah-e-sahar humari falak se phiri na ho Kaisi hawa chali yeh ke ji sansana gaya Aati nahin balaye shab-e-gham nigaah mein Kis mahroosh ka jalwa nazar mein sama gaya Ae jazb-e-dil na tham ke na thahra woh shola-roo Aaya to garam garam walekin jala gaya Mujh khanuman kharab ka likha ke jaan kar Woh naama-e-ghair ka mere ghar mein gira gaya Mehendi milega paanvon se dushman tu aan kar Kyun mere tafta seene ko thokar laga gaya Bosa-e-sanam ki aankh ka lete hi jaan di Momin ko yaad kiya Hajar-ul-Aswad aa gaya