جلتا ہوں ہجر شاہد و یاد شراب میں
جلتا ہوں ہجر شاہد و یاد شراب میں شوق ثواب نے مجھے ڈالا عذاب میں کہتے ہیں تم کو ہوش نہیں اضطراب میں سارے گلے تمام ہوئے اک جواب میں پھیلی شمیم یار مرے اشک سرخ سے دل کو غضب فشار ہوا پیچ و تاب میں چین جبیں کو دیکھ کے دل بستہ تر ہوا کیسی کشود کار کشاد نقاب میں ہم کچھ تو بد تھے جب نہ کیا یار نے پسند اے حسرت اس قدر غلطی انتخاب میں رہتے ہیں جمع کوچۂ جاناں میں خاص و عام آباد ایک گھر ہے جہان خراب میں آنکھ اس کی پھر گئی تھی دل اپنا بھی پھر گیا یہ اور انقلاب ہوا انقلاب میں بد نام میرے گریۂ رسوا سے ہو چکے اب عذر کیا رہا نگہ بے حجاب میں مطلب کی جستجو نے یہ کیا حال کر دیا حسرت بھی اب نہیں دل ناکامیاب میں گویا کہ رو رہا ہوں رقیبوں کی جان کو آتش زبانہ زن ہوئی طوفان آب میں ناکامیوں سے کام رہا عمر بھر ہمیں پیری میں یاس ہے جو ہوس تھی شباب میں ہے اختیار یار میں سود و زیاں مگر فاضل تھے ہم جہاں سے قضا کے حساب میں ناصح ہے عیب جو و دل آزار اس قدر گویا ثواب ہے سخن ناصواب میں دونوں کا ایک حال ہے یہ مدعا ہو کاش وہ ہی خط اس نے بھیج دیا کیوں جواب میں تقدیر بھی بری مری تقریر بھی بری بگڑے وہ پرسش سبب اجتناب میں کیا جلوے یاد آئے کہ اپنی خبر نہیں بے بادہ مست ہوں میں شب ماہتاب میں ہے منتوں کا وقت شکایت رہی رہی آئے تو ہیں منانے کو وہ پر عتاب میں تیری جفا نہ ہو تو ہے سب دشمنوں سے امن بدمست غیر محو دل اور بخت خواب میں پیہم سجود پائے صنم پر دم وداع مومنؔ خدا کو بھول گئے اضطراب میں
English rendering
Jalta hoon hijr-e-shaahid o yaad-e-sharaab mein Shauq-e-sawaab ne mujhe dala azaab mein Kehte hain tum ko hosh nahin iztiraab mein Saare gile tamaam hue ek jawaab mein Phaili shameem-e-yaar mere ashk-e-surkh se Dil ko ghazab fishaar hua pech o taab mein Cheen-e-jabeen ko dekh ke dil basta tar hua Kaisi kushood-e-kaar kushaad-e-naqaab mein Hum kuch to bad the jab na kiya yaar ne pasand Ae hasrat is qadar ghalti-e-intikhaab mein Rahte hain jam'a koocha-e-jaanaan mein khaas o aam Aabaad ek ghar hai jahaan-e-kharaab mein Aankh us ki phir gayi thi dil apna bhi phir gaya Yeh aur inqilaab hua inqilaab mein Badnaam mere girya-e-ruswa se ho chuke Ab uzr kya raha nigaah-e-be-hijab mein Matlab ki justaju ne yeh kya haal kar diya Hasrat bhi ab nahin dil-e-nakaamyaab mein Goya ke ro raha hoon raqeebon ki jaan ko Aatish zubana zan hui toofaan-e-aab mein Nakaamiyon se kaam raha umr bhar hamein Peeri mein yaas hai jo havas thi shabaab mein Hai ikhtiyar-e-yaar mein sood o ziyaan magar Faazil the hum jahaan se qaza ke hisaab mein Naaseh hai aib ju o dil azaar is qadar Goya sawaab hai sukhan-e-nasaawab mein Donon ka ek haal hai yeh mud'daa ho kaash Woh hi khat us ne bhej diya kyun jawaab mein Taqdeer bhi buri meri taqreer bhi buri Bigde woh pursish-e-sabab-e-ijtinaab mein Kya jalwe yaad aaye ke apni khabar nahin Be-baada mast hoon main shab-e-mahtaab mein Hai minnaton ka waqt shikayat rahi rahi Aaye to hain manane ko woh par itaab mein Teri jafa na ho to hai sab dushmanon se aman Badmast-e-ghair mahv-e-dil aur bakht-e-khwaab mein Paiham sujood-e-paa-e-sanam par dam-e-wida'a Momin Khuda ko bhool gaye iztiraab mein