جو تیرے منہ سے نہ ہو شرمسار آئینہ
جو تیرے منہ سے نہ ہو شرمسار آئینہ تو رخ کرے سوئے آئینہ وار آئینہ کہے ہے دیکھ کے رخسار یار آئینہ کہ اس صفائی پہ صدقے نثار آئینہ سیاہ رو نہ کرے ترک الفت گلفام میں بوالہوس کو دکھاؤں ہزار آئینہ صفائے دل کی کہاں قدر تیرہ روزی میں چراغ صبح ہے شب ہائے تار آئینہ سمجھ لیا مگر اس سبز رنگ کو طوطی کہ ہے نظارے کا امیدوار آئینہ وہ سخت جاں ہوں کہ دکھلائیں گر دم مردن تو توڑ دے کمر کوہسار آئینہ مقابل اس رخ روشن کے کھل گئی قلعی نہ ٹھہرا آگ پہ سیماب وار آئینہ سما رہے ہیں مگر تیرے نو بہ نو جلوے کہ بن گیا ہے طلسم بہار آئینہ شکست رنگ پہ مستی میں ہنستے ہیں ہم بھی دکھائیں گے انہیں وقت خمار آئینہ مجھے تو کہتے ہو مت دیکھ میری جانب تو اور آپ دیکھتے ہو بار بار آئینہ بلا ہے منع وفا نور اڑ گیا ناصح تو لے کے دیکھ تو رنگ عذار آئینہ سمجھ تو مومنؔ اگر ناروا ہو خود بینی تو دیکھیں کاہے کو پرہیزگار آئینہ
English rendering
Jo tere munh se na ho sharamsaar aaina Tu rukh kare su-e-aaina-vaar aaina Kahe hai dekh ke rukhsaar-e-yaar aaina Keh is safai pe sadqe nisaar aaina Siyah-roo na kare tark-e-ulfat gulkhaam Main bu-al-havas ko dikhaoon hazaar aaina Safaa-e-dil ki kahan qadr teerah-rozi mein Charagh-e-subh hai shab-haae-taar aaina Samajh liya magar is sabz-rang ko toti Keh hai nazaare ka ummeedwar aaina Woh sakht-jaan hoon ke dikhlaein gar dam-e-mardan To tod de kamar-e-kohsaar aaina Muqabil is rukh-e-raushan ke khul gayi qalai Na thehra aag pe seemab-var aaina Sama rahe hain magar tere nau-ba-nau jalwe Keh ban gaya hai tilism-e-bahar aaina Shikast-e-rang pe masti mein hanste hain hum bhi Dikhaayenge unhein waqt-e-khumar aaina Mujhe to kehte ho mat dekh meri janib to Aur aap dekhte ho baar baar aaina Bala hai mana-e-wafa noor ud gaya nasih Tu le ke dekh to rang-e-uzaar aaina Samajh to Momin! agar narawa ho khud-bini To dekhein kahe ko parhezgar aaina