کرتا ہے قتل عام وہ اغیار کے لیے
کرتا ہے قتل عام وہ اغیار کے لیے دس بیس روز مرتے ہیں دو چار کے لیے دیکھا عذاب رنج دل زار کے لیے عاشق ہوئے ہیں وہ مرے آزار کے لیے دل عشق تیری نذر کیا جان کیونکہ دوں رکھا ہے اس کو حسرت دیدار کے لیے قتل اس نے جرم صبر جفا پر کیا مجھے یہ ہی سزا تھی ایسے گنہ گار کے لیے لے تو ہی بھیج دے کوئی پیغام تلخ اب تجویز زہر ہے ترے بیمار کے لیے آتا نہیں ہے تو تو نشانی ہی بھیج دے تسکین اضطراب دل زار کے لیے کیا دل دیا تھا اس لیے میں نے تمہیں کہ تم ہو جاؤ یوں عدو مرے اغیار کے لیے چلنا تو دیکھنا کہ قیامت نے بھی قدم طرز خرام و شوخئ رفتار کے لیے جی میں ہے موتیوں کی لڑی اس کو بھیج دوں اظہار حال چشم گہربار کے لیے دیتا ہوں اپنے لب کو بھی گلبرگ سے مثال بوسے جو خواب میں ترے رخسار کے لیے جینا امید وصل پہ ہجراں میں سہل تھا مرتا ہوں زندگانیٔ دشوار کے لیے مومنؔ کو تو نہ لائے کہیں دام میں وہ بت ڈھونڈے ہے تار سبحہ کے زنار کے لیے
English rendering
Karta hai qatl-e-aam woh aghyar ke liye Das bees roz marte hain do chaar ke liye Dekha azaab-e-ranj-e-dil-e-zaar ke liye Aashiq hue hain woh mere aazaar ke liye Dil ishq teri nazr kya jaan kyunke doon Rakha hai uss ko hasrat-e-deedar ke liye Qatl usne jurm-e-sabr-e-jafa par kiya mujhe Yeh hi saza thi aise gunahgaar ke liye Le tu hi bhej de koi paigham-e-talkh ab Tajweez-e-zehar hai tere beemar ke liye Aata nahin hai tu to nishaani hi bhej de Taskeen-e-iztiraab-e-dil-e-zaar ke liye Kya dil diya tha iss liye main ne tumhein ke tum Ho jaao yoon adu mere aghyar ke liye Chalna to dekhna ke qayamat ne bhi qadam Tarz-e-khiraam-o-shokhi-e-raftaar ke liye Ji mein hai motiyon ki ladi uss ko bhej doon Izhaar-e-haal-e-chashm-e-gauharbaar ke liye Deta hoon apne lab ko bhi gulbarg se misaal Bose jo khwab mein tere rukhsar ke liye Jeena umeed-e-wasl pe hijraan mein sehal tha Marta hoon zindagaani-e-dushwar ke liye Momin ko tu na laaye kahin daam mein woh but Dhoonde hai taar-e-subha ke zunnar ke liye