قہر ہے موت ہے قضا ہے عشق
قہر ہے موت ہے قضا ہے عشق سچ تو یوں ہے بری بلا ہے عشق اثر غم ذرا بتا دینا وہ بہت پوچھتے ہیں کیا ہے عشق آفت جاں ہے کوئی پردہ نشیں کہ مرے دل میں آ چھپا ہے عشق بوالہوس اور لاف جانبازی کھیل کیسا سمجھ لیا ہے عشق وصل میں احتمال شادی مرگ چارہ گر درد بے دوا ہے عشق سوجھے کیونکر فریب دل داری دشمن آشنا نما ہے عشق کس ملاحت سرشت کو چاہا تلخ کامی پہ بامزا ہے عشق ہم کو ترجیح تم پہ ہے یعنی دل ربا حسن و جاں ربا ہے عشق دیکھ حالت مری کہیں کافر نام دوزخ کا کیوں دھرا ہے عشق دیکھیے کس جگہ ڈبو دے گا میری کشتی کا ناخدا ہے عشق اب تو دل عشق کا مزا چکھا ہم نہ کہتے تھے کیوں برا ہے عشق آپ مجھ سے نباہیں گے سچ ہے باوفا حسن و بے وفا ہے عشق میں وہ مجنون وحشت آرا ہوں نام سے میرے بھاگتا ہے عشق قیس و فرہاد و وامق و مومنؔ مر گئے سب ہی کیا وبا ہے عشق
English rendering
Qahar hai maut hai qaza hai ishq Sach to yoon hai buri bala hai ishq Asar-e-gham zara bata dena Woh bahut poochhte hain kya hai ishq Aafat-e-jaan hai koi parda-nasheen Ke mere dil mein aa chhupa hai ishq Baul-havas aur laaf-e-jaanbaazi Khel kaisa samajh liya hai ishq Wasl mein ehtemaal-e-shaadi-e-marg Chaara-gar dard-e-be-dawa hai ishq Soojhe kyun kar fareb-e-dil-daari Dushman-e-aashna numa hai ishq Kis malahat-sarisht ko chaaha Talkh-kaami pe ba-maza hai ishq Hum ko tarjeeh tum pe hai yaani Dilruba husn-o-jaanruba hai ishq Dekh haalat meri kahein kaafir Naam dozakh ka kyun dhara hai ishq Dekhiye kis jagah dubo dega Meri kashti ka naakhuda hai ishq Ab to dil ishq ka maza chhakha Hum na kehte the kyun bura hai ishq Aap mujh se nibhayenge sach hai Ba-wafa husn-o-bewafa hai ishq Main woh majnoon-e-wahshat-aara hoon Naam se mere bhaagta hai ishq Qais-o-Farhad-o-Wamiq-o-Momin Mar gaye sab hi kya waba hai ishq