شب تم جو بزم غیر میں آنکھیں چرا گئے
شب تم جو بزم غیر میں آنکھیں چرا گئے کھوئے گئے ہم ایسے کہ اغیار پا گئے پوچھا کسی پہ مرتے ہو اور دم نکل گیا ہم جان سے عناں بہ عنان صدا گئے پھیلی وہ بو جو ہم میں نہاں مثل غنچہ تھی جھونکے نسیم کے یہ نیا گل کھلا گئے اے آب اشک آتش عنصر ہے دیکھنا جی ہی گیا اگر نفس شعلہ زا گئے مجلس میں اس نے پان دیا اپنے ہاتھ سے اغیار سبز بخت تھے ہم زہر کھا گئے اٹھا نہ ضعف سے گل داغ جنوں کا بوجھ قاروں کی طرح ہم بھی زمیں میں سما گئے غیروں سے ہو وہ پردہ نشیں کیوں نہ بے حجاب دم ہائے بے اثر مرے پردہ اٹھا گئے تھی بد گمانی اب انہیں کیا عشق حور کی جو آ کے مرتے دم مجھے صورت دکھا گئے تابندہ و جوان تو بخت رقیب تھے ہم تیرہ روز کیوں غم ہجراں کو بھا گئے بیزار زندگانی کا جینا محال تھا وہ بھی ہماری نعش کو ٹھوکر لگا گئے واعظ کے ذکر مہر قیامت کو کیا کہوں عالم شب وصال کے آنکھوں میں چھا گئے جس وقت اس دیار سے اغیار بوالہوس بد خوئیوں سے یار کے ہو کر خفا گئے دنیا ہی سے گیا میں جوں ہی ناز سے کہا اب بھی گمان بد نہ گئے تیرے یا گئے اے مومنؔ آپ کب سے ہوئے بندۂ بتاں بارے ہمارے دین میں حضرت بھی آ گئے
English rendering
Shab tum jo bazm-e-ghair mein aankhen chura gaye Khoye gaye hum aise ke aghyar paa gaye Poochha kisi pe marte ho aur dam nikal gaya Hum jaan se inan ba inan sada gaye Phaili woh boo jo hum mein nihan misl-e-ghuncha thi Jhonke nasim ke yeh naya gul khila gaye Ae aab-e-ashk aatish-e-unsur hai dekhna Ji hi gaya agar nafs-e-shola-za gaye Majlis mein us ne paan diya apne haath se Aghyar sabz-bakht the hum zehr kha gaye Utha na za'f se gul-e-dagh-e-junoon ka bojh Qaroon ki tarah hum bhi zamin mein sama gaye Ghairon se ho woh parda-nashin kyun na be-hijab Dam haae be-asar mere parda utha gaye Thi bad-gumani ab unhein kya ishq-e-hoor ki Jo aa ke marte dam mujhe soorat dikha gaye Tabinda o jawan to bakht-e-raqib the Hum teerah-roz kyun gham-e-hijran ko bha gaye Bezar-e-zindagani ka jeena muhal tha Woh bhi hamari na'ash ko thokar laga gaye Waiz ke zikr-e-mahr-e-qayamat ko kya kahun Alam shab-e-visal ke aankhon mein chha gaye Jis waqt us dayar se aghyar-e-havas Bad-khu'iyon se yaar ke ho kar khafa gaye Dunya hi se gaya main joon hi naz se kaha Ab bhi guman-e-bad na gaye tere ya gaye Ae Momin! aap kab se hue banda-e-butaan Baare hamare deen mein Hazrat bhi aa gaye