ٹھانی تھی دل میں اب نہ ملیں گے کسی سے ہم
ٹھانی تھی دل میں اب نہ ملیں گے کسی سے ہم پر کیا کریں کہ ہو گئے ناچار جی سے ہم ہنستے جو دیکھتے ہیں کسی کو کسی سے ہم منہ دیکھ دیکھ روتے ہیں کس بے کسی سے ہم ہم سے نہ بولو تم اسے کیا کہتے ہیں بھلا انصاف کیجے پوچھتے ہیں آپ ہی سے ہم بیزار جان سے جو نہ ہوتے تو مانگتے شاہد شکایتوں پہ تری مدعی سے ہم اس کو میں جا مریں گے مدد اے ہجوم شوق آج اور زور کرتے ہیں بے طاقتی سے ہم صاحب نے اس غلام کو آزاد کر دیا لو بندگی کہ چھوٹ گئے بندگی سے ہم بے روئے مثل ابر نہ نکلا غبار دل کہتے تھے ان کو برق تبسم ہنسی سے ہم ان ناتوانیوں پہ بھی تھے خار راہ غیر کیوں کر نکالے جاتے نہ اس کی گلی سے ہم کیا گل کھلے گا دیکھیے ہے فصل گل تو دور اور سوئے دشت بھاگتے ہیں کچھ ابھی سے ہم منہ دیکھنے سے پہلے بھی کس دن وہ صاف تھا بے وجہ کیوں غبار رکھیں آرسی سے ہم ہے چھیڑ اختلاط بھی غیروں کے سامنے ہنسنے کے بدلے روئیں نہ کیوں گدگدی سے ہم وحشت ہے عشق پردہ نشیں میں دم بکا منہ ڈھانکتے ہیں پردۂ چشم پری سے ہم کیا دل کو لے گیا کوئی بیگانہ آشنا کیوں اپنے جی کو لگتے ہیں کچھ اجنبی سے ہم لے نام آرزو کا تو دل کو نکال لیں مومنؔ نہ ہوں جو ربط رکھیں بدعتی سے ہم
English rendering
Thaani thi dil mein ab na milenge kisi se hum Par kya karein ke ho gaye nachaar ji se hum Hanste jo dekhte hain kisi ko kisi se hum Munh dekh dekh rote hain kis be-kasi se hum Hum se na bolo tum use kya kehte hain bhala Insaaf kijiye poochhte hain aap hi se hum Bezaar jaan se jo na hote to maangte Shaayad shikayaton pe teri muddai se hum Uss ko main ja marenge madad ae hujoom-e-shauq Aaj aur zor karte hain be-taaqati se hum Saahib ne uss ghulaam ko aazaad kar diya Lo bandagi ke chhoot gaye bandagi se hum Be roye misl-e-abr na nikla ghubaar-e-dil Kehte the un ko barq-e-tabassum hansi se hum In natavanion pe bhi the khaar-e-rah-e-ghair Kyun kar nikale jaate na uss ki gali se hum Kya gul khulega dekhiye hai fasl-e-gul to door Aur su-e-dasht bhaagte hain kuch abhi se hum Munh dekhne se pehle bhi kis din woh saaf tha Be wajaah kyun ghubaar rakhein aarsi se hum Hai chhed ikhtelaat bhi ghairon ke saamne Hansne ke badle roen na kyun gadgadi se hum Wahshat hai ishq-e-parda-nasheen mein dam baka Munh dhaankte hain parda-e-chashm-e-pari se hum Kya dil ko le gaya koi begaana aashna Kyun apne ji ko lagte hain kuch ajnabi se hum Le naam aarzoo ka to dil ko nikaal lein Momin na hon jo rabt rakhein bidati se hum