وہ جو ہم میں تم میں قرار تھا تمہیں یاد ہو کہ نہ یاد ہو
وہ جو ہم میں تم میں قرار تھا تمہیں یاد ہو کہ نہ یاد ہو وہی یعنی وعدہ نباہ کا تمہیں یاد ہو کہ نہ یاد ہو وہ جو لطف مجھ پہ تھے بیشتر وہ کرم کہ تھا مرے حال پر مجھے سب ہے یاد ذرا ذرا تمہیں یاد ہو کہ نہ یاد ہو وہ نئے گلے وہ شکایتیں وہ مزے مزے کی حکایتیں وہ ہر ایک بات پہ روٹھنا تمہیں یاد ہو کہ نہ یاد ہو کبھی بیٹھے سب میں جو روبرو تو اشارتوں ہی سے گفتگو وہ بیان شوق کا برملا تمہیں یاد ہو کہ نہ یاد ہو ہوئے اتفاق سے گر بہم تو وفا جتانے کو دم بہ دم گلۂ ملامت اقربا تمہیں یاد ہو کہ نہ یاد ہو کوئی بات ایسی اگر ہوئی کہ تمہارے جی کو بری لگی تو بیاں سے پہلے ہی بھولنا تمہیں یاد ہو کہ نہ یاد ہو کبھی ہم میں تم میں بھی چاہ تھی کبھی ہم سے تم سے بھی راہ تھی کبھی ہم بھی تم بھی تھے آشنا تمہیں یاد ہو کہ نہ یاد ہو سنو ذکر ہے کئی سال کا کہ کیا اک آپ نے وعدہ تھا سو نباہنے کا تو ذکر کیا تمہیں یاد ہو کہ نہ یاد ہو کہا میں نے بات وہ کوٹھے کی مرے دل سے صاف اتر گئی تو کہا کہ جانے مری بلا تمہیں یاد ہو کہ نہ یاد ہو وہ بگڑنا وصل کی رات کا وہ نہ ماننا کسی بات کا وہ نہیں نہیں کی ہر آن ادا تمہیں یاد ہو کہ نہ یاد ہو جسے آپ گنتے تھے آشنا جسے آپ کہتے تھے با وفا میں وہی ہوں مومنؔ مبتلا تمہیں یاد ہو کہ نہ یاد ہو
English rendering
Woh jo hum mei'n tum mei'n qarar tha, tumhe'n yaad ho ke na yaad ho Wahi ya'ni waada nibah ka, tumhe'n yaad ho ke na yaad ho Woh jo lutf mujh pe the beshtar, woh karam ke tha mere haal par Mujhe sab hai yaad zara zara, tumhe'n yaad ho ke na yaad ho Woh naye gile, woh shikayatei'n, woh maze maze ki hikayatei'n Woh har ek baat pe roothna, tumhe'n yaad ho ke na yaad ho Kabhi baithe sab mei'n jo rubaru, toh isharato'n hi se guftugu Woh bayan-e-shauq ka barmala, tumhe'n yaad ho ke na yaad ho Hue ittifaq se gar baham, toh wafa jatane ko dam-ba-dam Gila malamat-e-aqarba, tumhe'n yaad ho ke na yaad ho Koi baat aisi agar hui, ke tumhare jee ko buri lagi Toh bayan se pehle hi bhoolna, tumhe'n yaad ho ke na yaad ho Kabhi hum mei'n tum mei'n bhi chah thi, kabhi hum se tum se bhi raah thi Kabhi hum bhi tum bhi the aashna, tumhe'n yaad ho ke na yaad ho Suno zikr hai kayi saal ka, ke kiya ek aap ne waada tha So nibahne ka toh zikr kya, tumhe'n yaad ho ke na yaad ho Kaha mai'n ne baat woh kothe ki, mere dil se saaf utar gayi Toh kaha ke jaane meri bala, tumhe'n yaad ho ke na yaad ho Woh bigadna wasl ki raat ka, woh na man'na kisi baat ka Woh nahi'n nahi'n ki har aan adaa, tumhe'n yaad ho ke na yaad ho Jise aap ginte the aashna, jise aap kehte the ba-wafa Mai'n wahi hu'n Mominؔ mubtala, tumhe'n yaad ho ke na yaad ho