یہ عذر امتحان جذب دل کیسا نکل آیا
یہ عذر امتحان جذب دل کیسا نکل آیا میں الزام اس کو دیتا تھا قصور اپنا نکل آیا نہ شادی مرگ ہوں کیوں کر ہے مژدہ قتل دشمن کا کہ گھر میں سے لیے شمشیر وہ روتا نکل آیا ستم اے گرمی ضبط فغان و آہ چھاتی پر کبھو بس پڑ گیا چھالا کبھو پھوڑا نکل آیا کیا زنجیر مجھ کو چارہ گر نے کن دنوں میں جب عدو کی قید سے وہ شوخ بے پروا نکل آیا نکل آیا اگر آنسو تو ظالم مت نکال آنکھیں سنا معذور ہے مضطر نکل آیا نکل آیا ہمارے خوں بہا کا غیر سے دعویٰ ہے قاتل کو یہ بعد انفصال اب اور ہی جھگڑا نکل آیا ہوئی بلبل ثنا خوان دہان تنگ کس گل کی کہ فروردی میں غنچہ کا منہ اتنا سا نکل آیا کوئی تیر اس کا دل میں رہ گیا تھا کیا کہ آنکھوں سے ابھی رونے میں اک پیکان کا ٹکڑا نکل آیا دم بسمل یہ کس کے خوف سے ہم پی گئے آنسو کہ ہر زخم بدن سے خون کا دریا نکل آیا خدنگ یار کے ہم راہ نکلی جان سینے سے یہی ارمان اک مدت سے جی میں تھا نکل آیا بہت نازاں ہے تو اے قیس پر وحشت دکھاؤں گا کتابوں میں کبھو قصہ جو مومنؔ کا نکل آیا
English rendering
Yeh uzr-e-imtehan-e-jazb-e-dil kaisa nikal aaya Main ilzaam us ko deta tha, qusoor apna nikal aaya Na shadi-e-marg hoon kyun kar hai muzhda-e-qatl-e-dushman ka Ke ghar mein se liye shamsheer woh rota nikal aaya Sitam ae garmi-e-zabt-e-fughan-o-aah chhati par Kabhu bas pad gaya chhala, kabhu phoda nikal aaya Kiya zanjeer mujh ko charah-gar ne kin dinon mein jab Adu ki qaid se woh shokh be-parwah nikal aaya Nikal aaya agar aansoo to zaalim mat nikaal aankhein Suna ma'zoor hai muztar, nikal aaya nikal aaya Hamare khoon-baha ka ghair se da'wa hai qatil ko Yeh ba'd-e-infaasl ab aur hi jhagda nikal aaya Hui bulbul sana-khwan-e-dahaan-e-tang kis gul ki Ke Farwardeen mein ghuncha ka munh itna sa nikal aaya Koi teer us ka dil mein rah gaya tha kya ke aankhon se Abhi rone mein ek paikaan ka tukda nikal aaya Dam-e-bismil yeh kis ke khauf se hum pi gaye aansoo Ke har zakhm-e-badan se khoon ka darya nikal aaya Khadang-e-yaar ke humrah nikli jaan seene se Yehi armaan ek muddat se ji mein tha, nikal aaya Bahut nazaan hai tu ae Qais par wahshat dikhaunga Kitabon mein kabhu qissa jo Momin! Ka nikal aaya