آدم کا جسم جب کہ عناصر سے مِل بنا
آدم کا جسم جب کہ عناصر سے مِل بنا کچھ آگ بچ رہی تھی سو عاشق کا دِل بنا سرگرمِ نالہ ان دنوں میں بھی ہوں عندلیب مت آشیاں چمن میں مرے متّصِل بنا جب تیشہ کوہ کن نے لیا ہاتھ تب یہ عشق بولا کہ اپنی چھاتی پہ دھرنے کو سِل بنا جس تیرگی سے روز ہے عشّاق کا سیاہ شاید اسی سے چہرہٴ خوباں پہ تِل بنا لب زندگی میں کب ملے اُس لب سے اے کلال ساغر، ہماری خاک کو مت کرکے گِل، بنا اپنا ہنر دکھاویں گے ہم تجھ کو شیشہ گر ٹوٹا ہوا کسی کا اگر ہم سے دِل بنا سُن سُن کے عرضِ حال مرا یار نے کہا سودا نہ باتیں بیٹھ کے یاں متّصِل بنا
English rendering
Adam ka jism jab ke anasir se mil bana Kuch aag bach rahi thi so aashiq ka dil bana Sargarm-e-naala in dinon mein bhi hun andaleeb Mat aashiyan chaman mein mere muttasil bana Jab tesha-e-koh-kun ne liya haath tab yeh ishq Bola ke apni chhati pe dharne ko sil bana Jis teeragi se roz hai ushshaaq ka siyah Shaayad isi se chehra-e-khoobaan pe til bana Lab zindagi mein kab mile us lab se ae kallal Saaghar, hamari khak ko mat karke gil, bana Apna hunar dikhavenge hum tujh ko sheesha-gar Toota hua kisi ka agar hum se dil bana Sun sun ke arz-e-haal mera yaar ne kaha Sauda na baatein baith ke yaan muttasil bana